ବ୍ୟୁରୋ: ଦ୍ୱିତୀୟ ଟି-ଟ୍ୱେଂଟି ଜିତିଲା ଭାରତ । ନ୍ୟୁଜିଲାଣ୍ଡକୁ ୪ ୱିକେଟରେ ହାରଇଲା ଟିମ୍ ଇଣ୍ଡିଆ । ୫ମ୍ୟାଚ୍ ବିଶିଷ୍ଟ ସିରିଜରେ୨-୦ରେ ଆଗୁଆ ରହିଛି ଟିମ୍ ଇଣ୍ଡିଆ । ୧୮୧ ରନର ଟାର୍ଗେଟକୁ ୬ ୱିକେଟ ହରାଇ ହାସଲ କଲା ଭାରତ । ଭାରତ ପକ୍ଷରୁ ତିଲକ ବର୍ମାଙ୍କ ଅପରାଜେୟ ଅର୍ଦ୍ଧଶତକ ବଳରେ ଭାରତ ଏହି ଦ୍ୱିତୀୟ ଟି-ଟ୍ୱେଂଟି ମ୍ୟାଚ୍ ଜିତିଛି । ୨୬ବଲରେ ୫୧ରନ୍ କରିଛନ୍ତି ତିଲକ୍ । ପ୍ଲେୟାର ଅପ୍ ଦ ମ୍ୟାଚ୍ ହେଉଛନ୍ତି ତିଲକ । ସେପଟେ ନମନ ଧୀରଙ୍କ ଲଢୁଆ ୩୧ରନ୍ ଓ ନୀତିଶ ରେଡୀଙ୍କ ଅପରାଜେୟ ୨୬ରନ୍ ଟିମ୍ ସ୍କୋରକୁ ଆହୁରି ଶକ୍ତିଶାଳୀ କରାଇଥିଲା । ହେଲେ ନିରାଶ କଲେ ଅଧିନାୟକ ଶ୍ରେୟସ, ସଂଜୁ, ବୈଭବ । ବ୍ୟାଟିଂରେ ବିଫଳ ହେଲେ ଏହି ୩ ଖେଳାଳି । କେବଳ ସେତିକି ନୁହେଁ ନ୍ୟୁଜିଲାଣ୍ଡର ଖରାପ ଫିଲଡିଂର ଫାଇଦା ଉଠାଇଛି ଭାରତ । ଖ୍ରୀଷ୍ଟଚର୍ଚ୍ଚରେ ଖେଲାଯାଉଥିବା ମ୍ୟାଚ୍ରେ ନ୍ୟୁଜିଲାଣ୍ଡ ଖରାପ ଫିଲଡିଂ ଯୋଗୁ ଭାରତର ୪ଜଣ ବ୍ୟାଟର ଜୀବନଦାନ ପାଇଗଲେ । ଫଳରେ ୭୦ରନରେ ୫ ୱିକେଟ ହରାଇ ସଙ୍କଟରେ ଥିବା ଭାରତ ୧୮୧ ରନର ଲକ୍ଷ୍ୟ ହାସଲ କରିବାରେ ସଫଳ ହେଲା ।
ଗ୍ଲେନ୍ ଫିଲିମ୍ସ ଓ ମିଚେଲଙ୍କ ଚମତ୍କାର ପ୍ରଦର୍ଶନ ବଳରେ ନ୍ୟୁଜିଲାଣ୍ଡ ସିରିଜ୍ ବରାବର କରିବାର ନିକଟତର ହୋଇଥିଲା । ହେଲେ ଫିଲଡିଂ ତ୍ରୁଟିପୂର୍ଣ୍ଣ ଥିବାରୁ ପୁଣି ଭାରତକୁ ମ୍ୟାଚକୁ ଫେରିବାର ସୁଯୋଗ ମିଲିଲା । ତିଲକ ବର୍ମା, ନମନ ଧୀର ଓ ନୀତିଶ କୁମାର ରେଡୀ ଭାରତୀୟ ବ୍ୟ।ଟିଂ ଲାଇନ-ଅପକୁ ଅଧିକ ମଜବୁତ କରିଥିଲେ । ପ୍ରଥମ ମ୍ୟାଚ୍ ଖେଳାଯାଇଥିବା ପିଚ୍ରେ ହିଁ ଦ୍ୱିତୀୟ ମ୍ୟାଚ୍ ଖେଲାଯାଇଥିଲା । କିନ୍ତୁ ୪୮ ଘଂଟା ପୂର୍ବ ତୁଳନାରେ ଏଠାରେ ବାଉଣ୍ଡ୍ରି ମାରିବା ସହଜ ନଥିଲା ।
