କେନ୍ଦ୍ରାପଡା: ରାଜ୍ୟରେ ଗୋଟେପଟେ ଉତ୍ସବ, ଅନ୍ୟପଟେ ବାତ୍ୟା ପରେ ବନ୍ୟା ସ୍ଥିତିି । ଗୋଟେପଟେ ଚାଲିଛି ମା ଗଜଲକ୍ଷ୍ମୀଙ୍କ ଆରାଧନା, ଗୋଟେପଟେ ବାତ୍ୟା ପରେ ଜଳପ୍ରଳୟ ସ୍ଥିତି । ଏସବୁ ଭିତରେ ଘଟିଛି ବୀଭତ୍ସ ହତ୍ୟାକାଣ୍ଡ । କେନ୍ଦ୍ରାପଡାରେ ଜଣେ ମହିଳାଙ୍କୁ ବୀଭତ୍ସ ଭାବେ ମୁଣ୍ଡ ଗୁଣ୍ଡି ଅଲଗା କରି ନଦୀ ପଠାରେ ଫିଙ୍ଗିଦେଇଛନ୍ତି ଦୁର୍ବୃତ୍ତ । ଘଟଣା ଘଟିଛି ମାର୍ଷାଘାଇ ବ୍ଲକ୍ ଆଇତିପୁର ପଂଚାୟତରେ । ଲୁଣାନଦୀ ବନ୍ଧରୁ ଏକ ଅଜଣା ମୁଣ୍ଡବିିହୀନ ମୃତଦେହ ଦେଖିବାକୁ ମିଳିଛି । ସ୍ଥାନୀୟ ଲୋକ ମୃତଦେହ ଦେଖି କୁଦାନଗରୀ ଥାନାକୁ ଖବର ଦେଇଥିଲେ । ପୋଲିସ ପହଂଚି ଘଟଣାସ୍ଥଳରେ ଛାନବିନ୍ ଜାରି ରଖିଚି । ମୃତଦେହରୁ ଜଣେ ବିବାହିତ ମହିଳା ବୋଲି ଜଣାପଡୁଛି । ତାଙ୍କ ବୟସ ୩୦ରୁ ୩୫ ବଷ ର୍ ହେବ ବୋଲି ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି । ଗତକାଲି ରାତିରେ କେହି ଦୁର୍ବତ୍ତ ତାଙ୍କୁ ମାରି ନଈବନ୍ଧ ନିକଟରେ ଫିହ୍ଗିଦେଇଥିବା ପୋଲିସ ଅନୁମାନ କରୁଛି । ମହିଳାହ୍କ ପରିଚୟ କଣ, କଏ ଓ କାହିଁକି ତାଙ୍କୁ ଏଠାରେ ମାରି ଫୋପାଡି ଦେଇଛି ସେନେଇ ତଦନ୍ତ ଜାରି ରଖିଛିା ଘଟଣାସ୍ଥଳରେ କୁଦାନଗରୀ ଥାନାଅଧିକାରୀ ସୌମ୍ୟରଂଜନ ପାଣିଗ୍ରାହୀ ଓ ସାଇଂଟିଫିକ୍ ଟିମ୍ ତଦନ୍ତ କରିଛନ୍ତି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ପୋଲିସ ତାର ତଦନ୍ତ ଜାରି ରଖିଛି ।
