ନୂଆଦିଲ୍ଲୀ: ଆସନ୍ତା ୨୪ରେ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ତାଙ୍କ ସହ ଆମେରିକାର ଫାଷ୍ଟ ଲେଡି ମେଲାନିଆ ଟ୍ରମ୍ପ ଓ ଝିଅ ଇଭାଙ୍କା ମଧ୍ୟ ଆସୁଛନ୍ତି । ଏହି ସମୟରେ ମେଲାନିଆ ରାଜଧନୀ ଦିଲ୍ଲୀର ଏକ ସରକାରୀ ସ୍କୁଲରେ ଆୟୋଜିତ ‘ହାପିନେସ କ୍ଲାସ’ରେ ଯୋଗ ଦେବେ ।
ତେବେ ଏହି କାର୍ଯ୍ୟକ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ଉପ ମୁଖ୍ୟମନ୍ତ୍ରୀ ମନିଷ ସିସୋଦିଆ ଯୋଗ ଦେବେ ନାହିଁ । ପୂର୍ବରୁ ଏ ଦୁହେଁ ଏହି କାର୍ଯ୍ୟକ୍ରମରେ ଯୋଗ ଦେବା ନେଇ ଆୟୋଜନ ହୋଇଥିଲା । କିନ୍ତୁ ଏବେ କେଜ୍ରିୱାଲ ଓ ସିସୋଦିଆଙ୍କ ନାଁ ଏହି କାର୍ଯ୍ୟକ୍ରମରୁ ହଟାଇ ଦିଆଯାଇଛି । ଏନେଇ ଆମ ଆଦମୀ ପାର୍ଟିର ରାଷ୍ଟ୍ରୀୟ କାର୍ଯ୍ୟକର୍ତ୍ତା ସଦସ୍ୟ ଅଭିଯୋଗ କରିଛନ୍ତି ଯେ, କେନ୍ଦ୍ର ସରକାର ଜାଣିଶୁଣି ଏମାନଙ୍କୁ ଏଥିରେ ସାମିଲ ନକରିବାକୁ ଯୋଜନା କରିଛନ୍ତି ।
There is no match for the pettiness of @narendramodi
You may not invite @ArvindKejriwal @msisodia but their work speaks for them#TrumpIndiaVisit https://t.co/wp7y0haSXS— Preeti Sharma Menon (@PreetiSMenon) February 22, 2020
ସୂଚନା ଯୋଗ୍ୟ ଯେ, ଗତ ୨୫ ତାରିଖରେ ମେଲାନିଆ ଟ୍ରମ୍ପ ଦିଲ୍ଲୀର ଏକ ସରକାରୀ ସ୍କୁଲକୁ ଯିବା କାର୍ଯ୍ୟକ୍ରମ ରହିଛି । ସେଠାକୁ ଯାଇ ସେ କେଜ୍ରିୱାଲ ସରକାରଙ୍କ ସ୍କୁଲରେ ହାପିନେସ କ୍ଲାସ ଦେଖିବେ ।