ସିମଲା: ହିମାଚଳ ପ୍ରଦେଶରେ ମୃଦୁ ଭୂକମ୍ପ ଅନୁଭୂତ ହୋଇଛି । ରାଜ୍ୟର କାଂଗ୍ରା ଜିଲ୍ଲାର ଚମ୍ବା ଅଞ୍ଚଳରେ ମଙ୍ଗଳବାର ଦିନ ଭୂକମ୍ପ ହୋଇଛି । ରିଚର୍ ସ୍କେଲରେ ୪.୦ ରହିଥିବା ରେକର୍ଡ଼ କରାଯାଇଛି ।
ମିଳିଥିବା ସୂଚନାନୁଯାୟୀ, ଅପରାହ୍ନ ୧୨ଟା ୧୭ ମିନିଟରେ ଧର୍ମଶାଳାର ୨୨ କିଲୋମିଟର ଦୂର ପଶ୍ଚିମ-ଉତ୍ତର ପଶ୍ଚିମାଞ୍ଚଳରେ ଏହି ଅନୁଭୂତ ହୋଇଛି ।
ତେବେ ଚମ୍ବା କିମ୍ବା କାଂଗ୍ରା ଅଞ୍ଚଳରେ କୌଣସି ମୃତାହତର ଖବର ମିଳିନାହିଁ ।
ଏଠାରେ ସୂଚନାଯୋଗ୍ୟ, ଭୌଗୋଳିକ ଅବସ୍ଥିତି କାରଣରୁ ହିମାଚଳ ପ୍ରଦେଶରେ ପ୍ରାୟ ପ୍ରତିବର୍ଷ ଅନେକ ଥର ଭୂକମ୍ପ ଅନୁଭୂତ ହୋଇଥାଏ ।