ବାରିପଦା: ମୟୂରଭଞ୍ଜ ଜିଲ୍ଲାର ବେଟନୋଟି ବ୍ଲକ ଅନ୍ତର୍ଗତ ଅନଳ ପଞ୍ଚାୟତର ଏକ ସଙ୍ଗରୋଧ କେନ୍ଦ୍ରରେ ଜଣେ ଯୁବକ ଗୁରୁବାର ରାତିରେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।
ମୃତ ଯୁବକଙ୍କ ନାମ ସୁରେନ୍ଦ୍ର ବେହେରା ବୋଲି ଜଣାପଡିଛି । ସୁରେନ୍ଦ୍ର ନିକଟରେ ପତ୍ନୀଙ୍କ ସହ ତାମିଲନାଡୁରୁ ଫେରିଥିଲେ ଏବଂ ସରକାରୀ ପ୍ରୋଟୋକଲ ଅନୁଯାୟୀ ଡମ୍ବରୁଧର ଅଞ୍ଚଳରେ ଥିବା ଏକ କ୍ୱାରେଣ୍ଟାଇନ ସେଣ୍ଟରରେ ରହୁଥିଲେ।
ଗତକାଲି ରାତିରେ ସେ କ୍ୱାରେଣ୍ଟାଇନ କେନ୍ଦ୍ର ନିକଟରେ ଥିବା ଏକ ଗଛରେ ଝୁଲୁଥିବା ଦେଖିବାକୁ ମିଳିଥିଲା।
ଉଲ୍ଲେଖଯୋଗ୍ୟ, ମୟୂରଭଞ୍ଜ ଏପର୍ଯ୍ୟନ୍ତ ନଅଟି କରୋନା ମାମଲା ରିପୋର୍ଟ ହୋଇଛି । ସଂକ୍ରମିତ ସମସ୍ତ ବ୍ୟକ୍ତି ନିକଟରେ ବିଭିନ୍ନ ରାଜ୍ୟରୁ ଜିଲ୍ଲାକୁ ଫେରିଥିଲେ।
ଏହାପୂର୍ବରୁ ରାୟାଗଡା ଜିଲ୍ଲାର ଜିସିଡି ହାଇସ୍କୁଲ ନିକଟରେ ଥିବା ଏକ ସଙ୍ଗରୋଧ କେନ୍ଦ୍ରରେ ଜଣେ ୩୫ ବର୍ଷ ବୟସ୍କ ବ୍ୟକ୍ତି ଫିନଇଲ ପିଇ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଥିଲା।
