ନାଣ୍ଡୁ ବାବୁଙ୍କ ଯାତ୍ରାମଞ୍ଚରେ ଅଜଗର ସାପ

ପୁଣିଥରେ ଅଡୁଆରେ ଫସିଛନ୍ତି ଯାତ୍ରା ମାଲିକ ଅନନ୍ତ ନାରାୟଣ ଧଳ ଓରଫ ନାଣ୍ଡୁ ବାବୁ । ଯାତ୍ରା ପାର୍ଟିରେ ସେ ବିବାଦୀୟ ମାଲିକ ଭାବେ ବେସ ପରିଚିତ । କୌଣସି ନା କୌଣସି କାରଣକୁ ନେଇ ସେ ସବୁବେଳେ ଭିନ୍ନ ଚର୍ଚ୍ଚାରେ ରହିଥାନ୍ତି । ଏବେ ପୁଣିଥରେ ବିବାଦ ଘେର ଭିତରକୁ ଫସିଯାଇଛନ୍ତି ନାଣ୍ଡୁବାବୁ । ତାଙ୍କ ଯାତ୍ରୀପାର୍ଟି ଷ୍ଟେଜରେ ଦେଖିବାକୁ ମିଳିଛି ଅଜଗର ସାପ । ଏଇ ବୋଧେ ଶେଷ ଦେଖା ନାଟକରେ ଅଭିନେତାଙ୍କ ହାତରେ ସାପ ଦେଖିଛନ୍ତି ଦର୍ଶକ । ନିଜ ଅଭିନୟ ଦ୍ୱାରା ଅଭିନେତ୍ରୀ ଓ ଅନ୍ୟ ଅଭିନେତାଙ୍କୁ ସାପ ଧରିବା ପାଇଁ କଳାକାର ସାଇ କହୁଛନ୍ତି । ସାପକୁ ହାତରେ ଗୁଡାଇ ସଂଳାପ ମଧ୍ୟ କରୁଛନ୍ତି ଅଭିନେତା ସାଇ । ନାଣ୍ଡୁବାବୁଙ୍କ ଯାତ୍ରାର ଫାଇନାଲ ରିହରସେଲରେ ଏଭଳି ଦୃଶ୍ୟ ଦେଖି ସମସ୍ତେ ଚକ୍କିତ କରିଥିଲା । ତେବେ ଯାତ୍ରୀ ମଞ୍ଚରେ ସାପ ଧରି ଅଭିନୟ କରିବା କେତେଦୂର ଠିକ । ଆଇନ ବାହାରେ ଏହି କାମ କରିବାକୁ କିଏ ଅନୁମତି ଦେଲା ବୋଲି ପ୍ରଶ୍ନ ଉଠିଛି ସାପଟି କେଉଁଠୁ ଆସିଲା । ଆଉ ଏହାକୁ କିଏ ପୋଷା ମନେଇଛି ବୋଲି ପ୍ରଶ୍ନ ଉଠିଛି ।
କଳା ଏବଂ କଳାକାରଙ୍କ ଅଭିନୟକୁ ଲୋକ ପସନ୍ଦ କରନ୍ତି । ହେଲେ ଏହାର ଅର୍ଥ ନୁହେଁ କଳା ପାଇଁ ଜଙ୍ଗଲ ଜନ୍ତୁଙ୍କୁ ଲୋକଙ୍କୁ ଆଣି ଆମ୍ଭେ ଦେଖାଇବା । ଆଗରୁ ହିରୋଇନ ସୋନାଲିଙ୍କ ପାଇଁ ବଦନାମ ହୋଇଥିଲେ ନାଣ୍ଡୁ ବାବୁ । ସୋନାଲିଙ୍କୁ ନାଣ୍ଡୁ ବାବୁ ଜବରଦସ୍ତି ତାଙ୍କ ପାର୍ଟିରେ ରଖିଛନ୍ତି ବୋଲି ସ୍ୱାମୀ ଶ୍ରୀକ୍ଷେତ୍ର ଅଭିଯୋଗ କରିଥିଲେ । ବିବାଦ କିଛିଦିନ ଲାଗିବା ପରେ ସୋନାଲି ତାଙ୍କ ସ୍ୱାମୀଙ୍କ ପାଖକୁ ଫେରିଯାଇଥିଲେ । ସେହି ବିବାଦ ଥମିବା ପରେ ନାଣ୍ଡୁବାବୁ ପୁଣିଥରେ ବଦନାମ ହୋଇଛନ୍ତି । ଷ୍ଟେଜରେ ସାପ ରଖିବାରୁ ବିଭିନ୍ନ ଲୋକ ଭିନ୍ନ ଭିନ୍ନ କଥା କହିଛନ୍ତି । ସାପକୁ ଷ୍ଟେଜରେ ଦେଖାଇବା କେବେ ବି ଠିକ ନୁହେଁ । ହେଲେ ନାଣ୍ଡୁ ବାବୁ କେମିତି ଏତେବଡ ସାହସ କଲେ ବୋଲି ପ୍ରଶ୍ନ ଉଠିଛି । ତୁରନ୍ତ ଏହି ଘଟଣାରେ ନାଣ୍ଡୁ ବାବୁ ଏହାର ଜବାବ ଦେବା ସହ ଏଭଳି ସୋ କରି କାହାକୁ ଭୟଭୀତ କରନ୍ତୁ ନାହିଁ ବୋଲି ବିଭିନ୍ନ ମହଲରେ ଦାବି ହୋଇଛି । ବ୍ୟୁରୋ ରିପୋର୍ଟ ଓଡିଶା ସମ୍ବାଦ