ନୂଆଦିଲ୍ଲୀ: ଦେଶରେ ପୁଣି ଥରେ କୋଭିଡ୍ ସଂକ୍ରମଣ ବଢ଼ୁଥିବା ବେଳେ କେନ୍ଦ୍ର ସରକାର ନେଇଛନ୍ତି ବଡ଼ ନିଷ୍ପତ୍ତି । କେନ୍ଦ୍ରର ମୋଦି ସରକାର ସମସ୍ତଙ୍କ ଲାଗି ବୁଷ୍ଟର ଡୋଜ୍ ମାଗଣାରେ ଯୋଗାଇ ଦେବେ । ୧୮ ବର୍ଷରୁ ଅଧିକ ବୟସ୍କ ମାଗଣାରେ ନେଇ ପାରିବେ କୋଭିଡ୍ ଭ୍ୟାକ୍ସିନର ବୁଷ୍ଟର ଡୋଜ୍ । ଏନେଇ କେନ୍ଦ୍ର କ୍ୟାବିନେଟ ବୈଠକରେ ନିଷ୍ପତ୍ତି ନିଆଯାଇଥିବା ସୂଚନା ଦେଇଛନ୍ତି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ।
#WATCH | Union Minister Anurag Thakur says, "…It has been decided that from 15th July 2022 till the next 75 days, all citizens above 18 years of age will be given booster doses free of cost…This facility will be available at all government centres…"#COVID19 pic.twitter.com/kZSOqHZQLg
— ANI (@ANI) July 13, 2022
ଦେଶରେ ଏବେ ଦୈନିକ ୧୫ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ପୁଣି ସଂକ୍ରମଣ ବଢ଼ୁଥିବା ବେଳେ ସମସ୍ତଙ୍କୁ ଟିକାକରଣ ଉପରେ ଗୁରୁତ୍ୱ ଦେଇଛନ୍ତି ସରକାର । ଆସନ୍ତା ୧୫ ତାରିଖରୁ ବୁଷ୍ଟର ଡୋଜ୍ ଅଭିଯାନ ଆରମ୍ଭ ହେବ । ଏହି ଅଭିଯାନ ୭୫ ଦିନ ଯାଏ ଚାଲିବ । ଏବେ ସୁଦ୍ଧା ଦେଶରେ ୧୯୯ କୋଟି ଭ୍ୟାକ୍ସିନ୍ ଡୋଜ୍ ଦିଆଯାଇ ସାରିଲାଣି ।
ସଂକ୍ରମଣ ବଢ଼ୁଥିବା ବେଳେ ଦେଶର ଅଧିକାଂଶ ଲୋକ କୋଭିଡ୍ ଟିକାର ୨ଟି ଯାକ ଡୋଜ୍ ନେଇ ସାରିଛନ୍ତି । କିନ୍ତୁ ବୁଷ୍ଟର ଡୋଜ୍ ଅନେକ ଲୋକ ନେଇ ନାହାନ୍ତି । ଲୋକେ ଆଉ ଟିକା ନେବାକୁ ଆଗ୍ରହ ଦେଖାଉ ନଥିବା ବେଳେ ଲୋକଙ୍କୁ ଟିକାକରଣ ପ୍ରତି ଆକର୍ଷିତ କରିବାକୁ ସରକାର ବୁଷ୍ଟର ଡୋଜକୁ ମାଗଣା କରିଛନ୍ତି । ଜୁଲାଇ ୧୫ରୁ ୭୫ ଦିନ ଯାଏ କେନ୍ଦ୍ର ସରକାର ମାଗଣାରେ ଲୋକଙ୍କୁ କୋଭିଡ୍ ଟିକାର ବୁଷ୍ଟର ଡୋଜ୍ ଯୋଗାଇ ଦେବେ ।
କିଛିଦିନ ତଳେ ସରକାର ଦ୍ୱିତୀୟ ଡୋଜ୍ ପରେ ବୁଷ୍ଟର ଡୋଜ୍ ନେବାର ସମୟ ସୀମାକୁ ହ୍ରାସ କରିଥିଲେ । ପୂର୍ବରୁ କୋଭିଡ୍ ଟିକାର ଦ୍ୱିତୀୟ ଡୋଜ୍ ନେବାର ୯ ମାସ ପରେ ବୁଷ୍ଟର ଡୋଜ୍ ଦିଆ ଯାଉଥିଲା । ଏବେ ଏହାକୁ ୬ ମାସକୁ ହ୍ରାସ କରାଯାଇଛି । ଏବେ ସୁଦ୍ଧା ୧୮ରୁ ୫୯ ବୟସ୍କ ୭୭ କୋଟି ଲୋକ ବୁଷ୍ଟର ଡୋଜ୍ ନେଇଥିବା ବେଳେ ସଂଖ୍ୟା ବଢ଼ାଇବାକୁ ସରକାର ଆରମ୍ଭ କରିଛନ୍ତି ମାଗଣା ଅଭିଯାନ ।
Comments are closed.