ୱାଶିଂଟନ: ଆମେରିକା “ଅପରାଧ ଏବଂ ଆତଙ୍କବାଦ” କୁ ଦୃଷ୍ଟିରେ ରଖି ଭାରତ ଯାତ୍ରା ପ୍ରତି ନିଜର ନାଗରିକମାନଙ୍କୁ ଅଧିକ ସତର୍କତା ଅବଲମ୍ବନ କରିବାକୁ କହିଛି। ଏଥିସହିତ କେନ୍ଦ୍ର ଶାସିତ ଅଞ୍ଚଳ ଜମ୍ମୁ କାଶ୍ମୀରକୁ ନଯିବା ପାଇଁ ପରାମର୍ଶ ଦେଇଛି। ଆମେରିକାର ବୈଦେଶିକ ବିଭାଗ ଶୁକ୍ରବାର ପ୍ରକାଶିତ ଏକ ନୂତନଟ୍ରାଭେଲ୍ ଆଡଭାଇଜରୀରେ ଭାରତ ଯାତ୍ରା ପରାମର୍ଶଦାତା ସ୍ତରକୁ ୨ କରିଛି। ଭ୍ରମଣ କାଉନସେଲିଂ ସ୍କେଲରେ ବିଦେଶଯାତ୍ରା ଉପରେ ସ୍ତର ୧ ରୁ ୪ ପର୍ଯ୍ୟନ୍ତ ରହିଥାଏ।
ଆମେରିକୀୟ ଟ୍ରାଭେଲ୍ ଆଡଭାଇଜରୀରେ ଯାତ୍ରା କରିବା ପାଇଁ କିଛି ସ୍ଥାନ ଅନୁସାରେ ସ୍ତର ରଖାଯାଇଛି। ଏଠାରେ ଧଳା ସ୍ତର ହେଉଛି ସୁରକ୍ଷିତ ସ୍ଥାନ। ଏଥି ସହିତ ହଳଦିଆସ୍ତର ବା ଲେବେଲ ୨ ଯଦି ଥାଏ ତେବେ ଆମେରିକୀୟମାନଙ୍କୁ ଅଧିକ ସତର୍କ ରହିବାକୁ ପରାମର୍ଶ ଦିଆଯାଇଥାଏ। ଭାରତ ପାଇଁ ଭ୍ରମଣ ପରାମର୍ଶଦାତା ପ୍ରାୟତଃ ଲେବେଲ ୨ ଏବଂ କିଛି ସମୟରେ ଲେବେଲ ୩ ରଖାଯାଏ। କୋଭିଟ ସଙ୍କଟ ବେଳେ ଏପ୍ରିଲ୍ ୨୦୨୧ ରେ ଏହି ସ୍ତର ୪ ବର୍ଗରେ ସ୍ଥାନିତ କରାଯାଇଥିଲା। ଯୁକ୍ତରାଷ୍ଟ୍ର ଦ୍ୱାରା ଭ୍ରମଣ ପରାମର୍ଶଦାତା ପ୍ରଦାନ ଅନେକ କାରଣ ଉପରେ ନିର୍ଭର କରେ।
ଦେଶର ସ୍ଥିତି, ଜନସ୍ୱାସ୍ଥ୍ୟ ଚିନ୍ତା, ଆଇନ ଶୃଙ୍ଖଳା, ଆତଙ୍କବାଦ, ସେହି ଦେଶ ସହ କିପରି ସମ୍ପର୍କ ରହିଛି ଏବଂ କେଉଁ ଋତୁରେ ଯାତ୍ରା କରାଯାଇପାରିବ ତା ଉପରେ ଏହି ସ୍ତର ନିର୍ଭର କରେ। ଭାରତର ପଡ଼ୋଶୀ ଦେଶରେ ଆଫଗାନିସ୍ତାନ ଏବଂ ମିଆଁମାର ସର୍ବୋଚ୍ଚ ସ୍ତରରେ ଥିବାବେଳେ ପାକିସ୍ତାନ ଏବଂ ଚୀନର ସ୍ତର ୩ ରେ ରଖାଯାଇଛି। ସେହିପରି ବାଂଲାଦେଶ, ନେପାଳ, ମାଲଦ୍ୱୀପ ଏବଂ ଶ୍ରୀଲଙ୍କା ଭାରତ ସହିତ ଦ୍ୱିତୀୟ ସ୍ତରରେ ଥିବାବେଳେ ଭୁଟାନ ସ୍ତର ୧ ରେ ରହିଛି। ଆମେରିକା ନିଜର ନାଗରିକମାନଙ୍କୁ ଯାତ୍ରା ସମୟରେ ସାଧାରଣ ସତର୍କତା ଅବଲମ୍ବନ କରିବାକୁ କହିଛି।
Comments are closed.