ଝାରସୁଗୁଡ଼ା: ସୋମବାର ଏକ ବିବାଦକୁ କେନ୍ଦ୍ର କରି ଝାରସୁଗୁଡାରେ ଜଣେ ଯୁବକଙ୍କୁ ତାଙ୍କ ସାଙ୍ଗ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି।
ବଳଦେବ ଚାନ୍ଦ ଓ ଅଭିଯୁକ୍ତ ଚୈତନ୍ୟ ରାଉତ ବଞ୍ଜାରୀ ଗ୍ରାମ ଉପକଣ୍ଠରେ ଥିବା ଏକ ଦୋକାନରେ ଏକାଠି ମଦ ପିଉଥିବା ବେଳେ ଉଭୟଙ୍କ ମଧ୍ୟରେ ବଚସା ହୋଇଥିଲା। କଥା କଟାକଟି ବଢ଼ି ମାଡ଼ପିଟରେ ପରିଣତ ହୋଇଥିଲା ଏବଂ ଚୈତନ୍ୟ ଏକ କାଠ ଫାଳିଆରେ ବଳଦେବଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି।
ଫଳରେ ବଳଦେବ ଗୁରୁତର ଆହତ ହେବା ସହ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ଗ୍ରାମବାସୀ ତାଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ମଧ୍ୟ ଡାକ୍ତର ତାଙ୍କୁ ବଞ୍ଚାଇ ପାରିନଥିଲେ। ପୁଲିସ ଏବେ ଏକ ମାମଲା ରୁଜୁ କରି ଫେରାର ଥିବା ଚୈତନ୍ୟକୁ ଖୋଜୁଛି। ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବା ବେଳେ ପୋଲିସ ତଦନ୍ତ ଜାରି ରଖିଛି।