ମୁମ୍ବାଇ: ବଲିଉଡ କୁଇନ ଭାବେ ପରିଚିତ କଙ୍ଗନା ରାନାୱତ ତାଙ୍କର ଆଗାମୀ ଫିଲ୍ମ ଏର୍ମଜେନ୍ସି ପାଇଁ ଜୋରଦାର ପ୍ରସ୍ତୁତି ଆରମ୍ଭ କରି ଦେଇଛନ୍ତି । କଙ୍ଗନା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକା କରିବାକୁ ଯାଉଥିବା ବେଳେ ଫିଲ୍ମର ନିର୍ଦ୍ଦେଶନା ମଧ୍ୟ ନିଜେ ଦେବେ । ଇତି ମଧ୍ୟରେ ଅନୁପମ ଖେରଙ୍କ ରୋଲ ସମ୍ପର୍କରେ ମଧ୍ୟ ସେ ଖୁଲାସା କରିଛନ୍ତି । ଅନୁପମଙ୍କୁ ଗୁରୁତ୍ୱପୂର୍ଣ୍ଣ ଜୟପ୍ରକାଶ ନାରାୟଣଙ୍କ ଭୂମିକା ପ୍ରଦାନ କରାଯାଇଛି । ଏହାର ଫଟୋ ମଧ୍ୟ ସୋସିଆଲ ମିଡିଆରେ ଛଡା ଯାଇଛି । ଫଟୋରେ କଙ୍ଗନା ଲେଖିଛନ୍ତି ଅନ୍ଧକାର ଅଛି ତ ଆଲୋକ ଅଛି, ଇନ୍ଦିରା ଅଛନ୍ତି ତ ଜୟପ୍ରକାଶ ରହିବେ । ଅନୁପମ ମଧ୍ୟ ତାଙ୍କ ଭୂମିକା ନେଇ ବେଶ ଖୁସି ଅଛନ୍ତି । ଜୟପ୍ରକାଶଙ୍କ ଭୂମିକା ମିଳିଥିବାରୁ ମୁଁ ବ୍ୟକ୍ତିଗତ ଭାବେ ମେକର୍ସଙ୍କୁ ଧନ୍ୟବାଦ ଜଣାଉଛି । ଏହା ମୋ କ୍ୟାରିୟରର ୫୨୭ତମ ଫିଲ୍ମ ହେବାକୁ ଯାଉଛି । କଙ୍ଗନାଙ୍କ ଏର୍ମଜେନ୍ସି ଫିଲ୍ମ ରିଲିଜ ନ ହେବା ପୂର୍ବରୁ ଚର୍ଚ୍ଚିତ ହୋଇ ପଡିଛି ।
Comments are closed.