ପୁଣେ: ବିଦ୍ୟାଳୟ ପାଠ୍ୟକ୍ରମରେ ଜମ୍ମୁ ଓ କାଶ୍ମୀରରେ ଉଚ୍ଛେଦ ହୋଇଥିବା ବହୁ ଚର୍ଚ୍ଚିତ ଧାରା ୩୭୦ ଅନ୍ତର୍ଭୃକ୍ତ ହେବାନେଇ ଭାରତୀୟ ଜନତା ପାର୍ଟି (ବିଜେପି) କାର୍ଯ୍ୟକାରୀ ସଭାପତି ଜେ ପି ନଡ୍ଡା ଇଙ୍ଗିତ ପ୍ରଦାନ କରିଛନ୍ତି ।
ଏକ ସଭାକୁ ସମ୍ବୋଧିତ କରିବା ଅବସରରେ ସୋମବାର ସନ୍ଧ୍ୟାରେ ଶ୍ରୀ ନଡ୍ଡା କହିଛନ୍ତି ଯେ, ବିଶେଷକରି ଛାତ୍ରଛାତ୍ରୀମାନେ ଜାଣିବା ଜରୁରୀ ଯେ, ୩୭୦ ଧାରା ପଛରେ କ’ଣ ଐତିହାସିକ ତତ୍ତ୍ୱ ରହିଛି । କେଉଁ ପରିସ୍ଥିତିରେ ଜମ୍ମୁ ଓ କାଶ୍ମୀରରେ ଏହି ଧାରା ଲାଗୁ ହେଲା ଏବଂ ଲାଗୁ ହେବା ପରବର୍ତ୍ତୀ ସ୍ଥିତି ସମ୍ପର୍କରେ ଭାରତୀୟ ଛାତ୍ରଛାତ୍ରୀମାନେ ଅବଗତ ହେବା ନିତାନ୍ତ ଆବଶ୍ୟକ ।
पुणे, महाराष्ट्र में ‘राष्ट्रीय एकता अभियान’ के अंतर्गत अनुच्छेद 370 के निरस्तीकरण की ऐतिहासिक उपलब्धि पर प्रबुद्ध वर्ग को संबोधित किया।
अनुच्छेद 370 हमारे संविधान द्वारा प्राप्त ‘समानता के अधिकार’ के मूल सिद्धांत के विरुद्ध था। pic.twitter.com/jTcaytK678
— Jagat Prakash Nadda (@JPNadda) September 23, 2019
ଛାତ୍ରଛାତ୍ରୀମାନେ ଇତିହାସ ଜାଣିବା ଉଚିତ୍ । ଆମର ଆଗାମୀ ପିଢି ଜାଣିବା ଉଚିତ୍ ଯେ, ଏଠାରେ (ଜମ୍ମୁ ଓ କାଶ୍ମୀରରେ ଉଚ୍ଛେଦ) କ’ଣ ହେଲା ବୋଲି ଏହି ଖବର ସମ୍ପର୍କରେ ଏଏନଆଇ ରିପୋର୍ଟ ପ୍ରକାଶ କରିଛି ।
ଏହି ଧାରା ୩୭୦ ସମ୍ପର୍କୀତ ତଥ୍ୟ ବିଦ୍ୟାଳୟର ପାଠ୍ୟକ୍ରମରେ ସାମିଲ ହେବ କି ନାହିଁ ସେନେଇ ଏହି ବରିଷ୍ଠ ବିଜେପି ନେତା ସ୍ପଷ୍ଟ କହିନଥିଲେ ମଧ୍ୟ ଏହା ପାଠ୍ୟକ୍ରମରେ ସାମିଲ ହେବା ନେି ଇଙ୍ଗିତ ପ୍ରକାଶ କରୁଛି ।
ଚଳିତ ବର୍ଷ ଅଗଷ୍ଟ ୫ ତାରିଖରେ ଏକ ଐତିହାସିକ ପଦକ୍ଷେପ ଗ୍ରହଣ କରି କେନ୍ଦ୍ରର ମୋଦୀ ସରକାର ସଂସଦର ଉଭୟ ଗୃହରେ ସମ୍ବିଧାନରୁ ଧାରା ୩୭୦ ଉଚ୍ଛେଦ ଲାଗି ବିଲ୍ ପାଶ୍ କରିଥିଲେ ।
ଏହି କ୍ରମରେ ଧାରା ୩୭୦ ଉଚ୍ଛେଦ ହେବା ସହିତ ଜମ୍ମୁ, କାଶ୍ମୀର ଏବଂ ଲଦାଖକୁ ୩ଟି ସ୍ୱତନ୍ତ୍ର କେନ୍ଦ୍ର ଶାସିତ ଅଞ୍ଚଳ ଭାବେ ଘୋଷଣା ମଧ୍ୟ ସରକାରଙ୍କ ଦ୍ୱାରା କରାଯାଇଥିଲା ।