ଭୁବନେଶ୍ୱର: ଆଗାମୀ ଦିନରେ କେବଳ ଆପଣଙ୍କ ଗାଡ଼ି ନୁହେଁ, ବରଂ ଗାଡ଼ିର ଟାୟାର ମଧ୍ୟ ସ୍ମାର୍ଟ ହେବାକୁ ଯାଉଛି। ବଦଳୁଥିବା ସମୟ ସହିତ ଅଟୋମୋବାଇଲ୍ ଦୁନିଆରେ ‘ସାଇବର ଟାୟାର’ ଟେକ୍ନୋଲୋଜିକୁ ନେଇ ଚର୍ଚ୍ଚା ଜୋର ଧରିଛି। ଏହା କେବଳ ଏକ ରବର ଚକ ନୁହେଁ, ବରଂ ଏଥିରେ ଲାଗିଥିବା ସେନସର ଏବଂ AI ସୁରକ୍ଷାକୁ ଏକ ନୂଆ ସ୍ତରକୁ ନେଇଯିବ।
ସାଇବର ଟାୟାର କ’ଣ?
ସାଇବର ଟାୟାର ହେଉଛି ଏକ ଅତ୍ୟାଧୁନିକ ସେନସର-ଆଧାରିତ ଟେକ୍ନୋଲୋଜି। ଏହି ଟାୟାର ଭିତରେ ଏକ କ୍ଷୁଦ୍ର ଇଲେକ୍ଟ୍ରୋନିକ ସେନସର ଲଗାଯାଇଥାଏ, ଯାହା ଗାଡ଼ିର କମ୍ପ୍ୟୁଟର (ECU) ସହିତ ସିଧାସଳଖ ଯୋଡ଼ି ହୋଇ ରହିଥାଏ।
ଏହା କିଭଳି କାମ କରେ?
ଗାଡ଼ି ଚାଲୁଥିବା ସମୟରେ ଏହି ସେନସର ଟାୟାରର Pressure, ତାପମାତ୍ରା ଏବଂ ଟାୟାର କେତେ ପରିମାଣରେ ଘଷି ହୋଇଛି, ସେସବୁର ତଥ୍ୟ ସଂଗ୍ରହ କରେ।
ସଂଗୃହିତ ତଥ୍ୟକୁ AI ମାଧ୍ୟମରେ ବିଶ୍ଳେଷଣ କରାଯାଏ। ଉଦାହରଣ ସ୍ୱରୂପ, ଯଦି ରାସ୍ତା ଓଦା ଅଛି କିମ୍ବା ଖସଡ଼ା ଅଛି, ତେବେ ଟାୟାର ଗାଡ଼ିର ସେଫ୍ଟି ସିଷ୍ଟମକୁ (ABS ବା Traction Control) ତୁରନ୍ତ ସୂଚନା ଦେଇଥାଏ, ଯାହା ଦ୍ୱାରା ଦୁର୍ଘଟଣାକୁ ରୋକାଯାଇପାରିବ।
ଯଦି ଟାୟାରରେ କିଛି ତ୍ରୁଟି ଥାଏ, ତେବେ ଗାଡ଼ିର ଡ୍ୟାସବୋର୍ଡ କିମ୍ବା ମୋବାଇଲ୍ ଆପ୍ରେ ତୁରନ୍ତ ନୋଟିଫିକେସନ୍ ଆସିଯାଏ।
ଟାୟାର ଫାଟିବା କିମ୍ବା ଗ୍ରିପ୍ କମିଯିବା ଭଳି ସମସ୍ୟା ବିଷୟରେ ପୂର୍ବରୁ ସୂଚନା ମିଳିଥାଏ।
ସଠିକ୍ ଏୟାର ପ୍ରେସର ବଜାୟ ରହିବା ଯୋଗୁଁ ଗାଡ଼ିର ମାଇଲେଜ୍ ବଢ଼ିଥାଏ।
ଜରୁରୀକାଳୀନ ସ୍ଥିତିରେ AI ଟାୟାରରୁ ମିଳୁଥିବା ତଥ୍ୟ ଆଧାରରେ ବ୍ରେକିଂ ସିଷ୍ଟମକୁ ଅଧିକ ପ୍ରଭାବଶାଳୀ କରିଥାଏ।
ବର୍ତ୍ତମାନ ପାଇଁ ଏହି ଟେକ୍ନୋଲୋଜି ମୁଖ୍ୟତଃ ବିଳାସପୂର୍ଣ୍ଣ ଏବଂ ସ୍ପୋର୍ଟସ୍ କାର୍ରେ ଦେଖିବାକୁ ମିଳୁଛି। ସାଧାରଣ ଟାୟାର ତୁଳନାରେ ଏହାର ମୂଲ୍ୟ ୨୦% ରୁ ୩୦% ଅଧିକ ହୋଇପାରେ। ପିରେଲି (Pirelli) ଭଳି କମ୍ପାନୀ ଏହି କ୍ଷେତ୍ରରେ କାମ ଆରମ୍ଭ କରିସାରିଛନ୍ତି।
ସାଇବର ଟାୟାର ଭବିଷ୍ୟତର ‘ସ୍ମାର୍ଟ ମୋବିଲିଟି’ ପାଇଁ ଏକ ବଡ଼ ପଦକ୍ଷେପ। ଏହା ଦ୍ୱାରା ସଡ଼କ ଦୁର୍ଘଟଣା ସଂଖ୍ୟା ହ୍ରାସ ପାଇବ ବୋଲି ଆଶା କରାଯାଉଛି।
