ଖୋର୍ଦ୍ଧା : ଖୋର୍ଦ୍ଧା ଥାନାରୁ ଚୋରା ଚାଲାଣ ବେଳେ ହୋମଗାର୍ଡ ଅଟକ । ଜବତ ହୋଇଥିବା ବାଣ ଓ ମଦ ଏକ କାରରେ ଚୋରାଚାଲାଣ ହେଉଥିବାବେଳେ ଜଣେ ହୋମଗାର୍ଡଙ୍କୁ ଅଟକ ରଖାଯାଇଛି । ବିଳମ୍ବିତ ରାତିରେ ବେଗୁନିଆ ଥାନାରୁ ଚାଲାଣ ହେଉଥିବାବେଳେ ସେ ଧରାପଡିଛନ୍ତି । ସୂଚନା ଅନୁସାରେ ଗତକାଲି ଦିନରେ ବେଗୁନିଆ ପୋଲିସ କଣ୍ଟାବାଡ ଗାଁରୁ ବିପୁଳ ପରିମାଣର ବାଣ ଓ କିଛି ମଦ ଜବତ କରିଥିଲା । ଦିନରେ ଜବତ ଜିନିଷକୁ ରାତିରେ ଥାନାରୁ ଚେରାଚାଲାଣ କରାଯାଉଥିଲା ।
ପରେ ସ୍ଥାନୀୟ ଲୋକ ଏହାକୁ ଦେଖିବା ପରେ ହରଡଘଣାରେ ପଡିଛି ପୋଲିସ । ଗାଁ ଲୋକ ଏବଂ ସରପଞ୍ଚ ଏହି ଘଟଣା ନେଇ ଖୋର୍ଦ୍ଧା SDPOଙ୍କୁ ଖବର ଦେଇଥିଲେ। ଖୋର୍ଦ୍ଧା SDPO ତୁରନ୍ତ ଘଟଣାସ୍ଥଳରେ ପହଞ୍ଚି ଚାଲାଣ ହେଉଥିବା ଗାଡିକୁ ଜବତ କରିଛନ୍ତି। ଚାଲାଣ ବେଳେ ଗାଡିରେ ଜଣେ ହୋମଗାର୍ଡ ଥିବା ସୂଚନା ମିଳିଛି । ତେବେ ବେଗୁନିଆ ପୋଲିସର ଏହି କଳା କାରନାମା ପରେ ପୋଲିସର ସୁରକ୍ଷା ବ୍ୟବସ୍ଥା ଉପରେ ବଡ ପ୍ରଶ୍ନବାଚୀ ସୃଷ୍ଟି କରିଛି ।