କଟକ: ଚଳିତ କଳାହାଣ୍ଡି କପ କ୍ରିକେଟରେ ରବିବାର ଭଦ୍ରକ ସୁପର ଲିଗ ପର୍ଯ୍ୟାୟକୁ ଉନ୍ନୀତ ହୋଇଛି । ଗୋଲ୍ଡ ଗ୍ରୁପ ଏ ଓ ବିର ଶୀର୍ଷ ଟିମର ଏହି ମୁକାବିଲାରେ ବାଲେଶ୍ୱରକୁ ୨ ୱିକେଟରେ ଭଦ୍ରକ ପରାସ୍ତ କରିଥିଲା । ପ୍ରଥମେ ବ୍ୟାଟିଂ କରି ବାଲେଶ୍ୱର ୫୦ ଓଭରରେ ୨୩୭ ରନ କରି ଅଲଆଉଟ ହୋଇଥିଲା । ହାତରେ ୭ଟି ବଲ ଓ ୨ଟି ୱିକେଟ ବାକି ଥାଇ ଭଦ୍ରକ ସାହିଲ ଖାଁଙ୍କ ୮୨ ଓ ଅବିନାଶ ସିଂଙ୍କ ୭୭ ରନ ସହାୟତାରେ ମ୍ୟାଚକୁ ଜିତି ନେଇଥିଲା ।
ଭଦ୍ରକ ବ୍ୟତୀତ ସୁପରଲିଗରେ ରବିବାର ସୁଦ୍ଧା ଭୁବନେଶ୍ୱର ଏ, କଟକ ଏ, ଇଷ୍ଟକୋଷ୍ଟ ରେଲୱେ ଓ ଝାରସୁଗୁଡା ପ୍ରବେଶ କରିଛନ୍ତି । ବାଲେଶ୍ୱର ନିକଟରେ ଏବେ ବି ସୁଯୋଗ ରହିଛି । ସିଲଭର ଗ୍ରୁପର ବିଜେତା ବିପକ୍ଷରେ ଦଳ ବିଜୟ ହାସଲ କଲେ ସୁପର ଲିଗରେ ପ୍ରବେଶ କରିବ ।
Comments are closed.