ଭୁବନେଶ୍ବର: କିଏ ମାରିବ ବଲାଙ୍ଗୀର ବାଜି ? ବାପାଙ୍କ ସିଟରେ ପୁଅଙ୍କ ବଡ ଲଢେଇ। ଲୋକସଭା ଲଢେଇ ପରେ ଏବେ ବିଧାନସଭାରେ ଆରପାର୍ । ବଲାଙ୍ଗୀର ବିଧାନସଭାରେ ପ୍ରାର୍ଥୀ ଘୋଷଣା ପରେ ବଢିଛି ତାତି । ବିଜେଡିରୁ କଳିକେଶ ନାରାୟଣ ସିଂହଦେଓ ପ୍ରାର୍ଥୀ ହୋଇଛନ୍ତି ତ କଂଗ୍ରେସରୁ ସମରେନ୍ଦ୍ର ମିଶ୍ର ଓ ବିଜେପିରୁ ଗୋପାଳଜୀ ପାଣିଗ୍ରାହୀ ଓହ୍ଲାଇଛନ୍ତି। କଳିକେଶ ଓ ସମରେନ୍ଦ୍ରଙ୍କ ମଧ୍ୟରେ ପୂର୍ବରୁ ବି ପ୍ରତିଦ୍ବନ୍ଦ୍ବିତା ହୋଇଛି। ଗତ ସାଧାରଣ ନିର୍ବାଚନରେ ଉଭୟ ବଲାଙ୍ଗୀର ଲୋକସଭା ପାଇଁ ଲଢି ହାରିଥିଲେ। ଏଥର ଲଢେଇ ତ ହେବ ହେଲେ ବିଧାନସଭା ପାଇଁ। ବଲାଙ୍ଗୀରରେ ପାରମ୍ପରିକ ପ୍ରତିଦ୍ବନ୍ଦ୍ବୀ ରହିଛନ୍ତି ଅନଙ୍ଗ ଉଦୟ ସିଂହଦେଓ ଓ ନରସିଂହ ମିଶ୍ର । ୧୯୯୦ରୁ ୨୦୧୪ ପର୍ଯ୍ୟନ୍ତ ବଲାଙ୍ଗୀରରୁ ବିଧାୟକ ରହିଥିଲେ ଏୟୁ ସିଂହଦେଓ । ପ୍ରଥମେ ଜନତା ଦଳ ଓ ପରେ ବିଜୁ ଜନତା ଦଳରୁ ଜିତି ବିଭିନ୍ନ ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ବି ରହିଥିଲେ । ୨୦୧୪ରୁ ୨୦୨୪ ଯାଏଁ ବିଧାୟକ ରହିଛନ୍ତି ନରସିଂହ ମିଶ୍ର। ୨୦୧୯ରୁ ଅନଙ୍ଗ ଉଦୟ ରାଜନୀତିରୁ ଅବସର ନେଇଛନ୍ତି ତ ୨୦୨୪ରେ ରାଜନୀତିରୁ ସନ୍ୟାସ ନେଇଛନ୍ତି ନରସିଂହ । ତେଣୁ ଏଥର ଲଢେଇ ପୁଅଙ୍କ ମଧ୍ୟରେ । ଗତଥର ଉଭୟ କଳିକେଶ ଓ ସମରେନ୍ଦ୍ର ଲୋକସଭା ପାଇଁ ଲଢିଥିଲେ। ଉଭୟ ହାରିଥିଲେ ବି ବଲାଙ୍ଗୀର ବିଧାନସଭାରୁ ପ୍ରଥମ ଓ ଦ୍ବିତୀୟ ସର୍ବାଧିକ ଭୋଟ୍ ପାଇଥିଲେ। କଳିକେଶଙ୍କୁ ସର୍ବାଧିକ ୬୬ହଜାର ୨୮୩ ଭୋଟ୍ ମିଳିଥିବା ବେଳେ ସମରେନ୍ଦ୍ରଙ୍କୁ ୫୩ହଜାର ୭୬୩ ଭୋଟ୍ ମିଳିଥିଲା। ବଲାଙ୍ଗୀର ଲୋକସଭା ଜିତିଥିବା ସଂଗୀତା ସିଂହଦେଓ ବିଧାନସଭା ଆସନରେ ତିନି ନମ୍ବର ସ୍ଥାନରେ ଥିଲେ। ତେଣୁ ଲଢେଇ ଏଥର ଜୋରଦାର ହେବ । ସେପଟେ ବିଜେପି ବି ଗୋପାଳଜୀ ପାଣିଗ୍ରାହୀଙ୍କୁ ନୂଆ ଚେହେରା ଭାବେ ସୁଯୋଗ ଦେଇଛି । ଅନେକ ଦିନରୁ ରାଜନୀତିରେ ସକ୍ରିୟ ରହିଥିବା ଗୋପାଳଜୀ ଲୋୟର ସୁକତେଲ ପ୍ରକଳ୍ପ ପାଇଁ ଚାଲିଥିବା ଆନ୍ଦୋଳନର ନେତୃତ୍ବ ନେଇ ଚର୍ଚ୍ଚିତ ରହିଥିଲେ । ପ୍ରତିଦ୍ବନ୍ଦ୍ବୀଙ୍କୁ ଘେରିବାକୁ ତାଙ୍କ ପାଖରେ ରହିଛି ଅନେକ ପ୍ରସଙ୍ଗ। ବିଭିନ୍ନ ସମୟରେ ସାମୁହିକ ବିକାଶ ଦାବିକୁ ନେଇ ରାଜରାସ୍ତାକୁ ଓହ୍ଲାଇଥିବା ଗୋପାଳଜୀ ଉଭୟ କଳିକେଶ ଓ ସମରେନ୍ଦ୍ରଙ୍କ ପାଇଁ ବଡ ଚ୍ୟାଲେଞ୍ଜ ହୋଇାପାରନ୍ତି । ତେଣୁ ବଲାଙ୍ଗୀରରେ ଦେଖିବାକୁ ମିଳିବ ଚବିଶ ନିର୍ବାଚନର ରୋଚକ ଲଢେଇ । କିଏ ଜିତିବ ବଲାଙ୍ଗୀର, ରାଜା, ଉଦ୍ୟୋଗୀ ନା ଆମ୍ ଆଦମୀ ? ଏହା ଉପରେ ସମସ୍ତଙ୍କ ନଜର ରହିଛି ।
BREAKING NEWS
- ପ୍ରକାଶ ପାଇଲା ଆଇସିଏସ୍ଇ ଦଶମ ଏବଂ ଆଇଏସ୍ସି ଦ୍ୱାଦଶ ପରୀକ୍ଷା ଫଳ
- ସ୍ବାମୀ ସହ ଝଗଡା ପରେ ୬ ବର୍ଷର ଦିବ୍ୟାଙ୍ଗ ପୁଅକୁ କୁମ୍ଭୀର ମୁହଁକୁ ଫିଙ୍ଗିଲା ମା’
- ବିଜେଡି ସୁପ୍ରିମୋଙ୍କୁ ମୋଦୀଙ୍କ ଟାର୍ଗେଟ; ଆପଣଙ୍କ ମୁଖ୍ୟମନ୍ତ୍ରୀଙ୍କ ଭଳି ମୁଁ ନୁହେଁ
- ଟି୨୦ ବିଶ୍ୱକପରେ ଆତଙ୍କବାଦୀ ଆକ୍ରମଣ ଧମକ
- କନିଷିରୁ ମୋଦୀଙ୍କ ବଡ଼ ଦାବି, ତ୍ରିପୁରା ଭଳି ଏଥର ଓଡ଼ିଶାର ନିର୍ବାଚନ ଫଳାଫଳ ହେବ?
- ଆନ୍ଧ୍ର ଡିଜିପିଙ୍କୁ ବଦଳି ନିର୍ଦ୍ଦେଶ ଦେଲେ ନିର୍ବାଚନ କମିଶନ
- ବ୍ରହ୍ମପୁରରେ ମୋଦୀଙ୍କ ଅଭିଭାଷଣ; ଜୁନ୍ ୪ରେ ବିଜେଡି ସରକାରର ଏକ୍ସପାଏରୀ ଡେଟ୍, ୧୦ରେ ମୁଖ୍ୟମନ୍ତ୍ରୀ ଶପଥ ନେବେ
- ମନ୍ତ୍ରୀଙ୍କ ସହଯୋଗୀଙ୍କ ଘରେ ଇଡି ରେଡ୍; ମିଳିଲା ଟଙ୍କାର ପାହାଡ, ନୋଟ୍ ଗଣିଗଣି ମେସିନ ହାଲିଆ !
- ଆଜିଠାରୁ ପାଗରେ ପରିବର୍ତ୍ତନ, ୪ ଦିନ ଯାଏଁ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ସମ୍ଭାବନା
- ଆଜି ଶ୍ରୀମନ୍ଦିରରେ ଶ୍ରୀଜିଉଙ୍କ ପଇତାଲାଗି ନୀତି; ୪ ଘଣ୍ଟା ସାଧାରଣ ଦର୍ଶନ ବନ୍ଦ