କୋଲକାତା: ପଶ୍ଚିମବଙ୍ଗ ପଞ୍ଚାୟତ ନିର୍ବାଚନରେ ହୋଇଥିବା ହିଂସା ମଧ୍ୟରେ ଟିଏମସି ସାଂସଦ ଅର୍ଜୁନ ସିଂଙ୍କ ଆଶ୍ଚର୍ଯ୍ୟଜନକ ବୟାନ ସାମ୍ନାକୁ ଆସିଛି। ଅର୍ଜୁନ ସିଂ କହିଛନ୍ତି ଯେ ଯେହେତୁ ବଙ୍ଗଳାରେ ବୋମା ଶସ୍ତାରେ ଉପଲବ୍ଧ, ସେଥିପାଇଁ ଏହା ଏଠାରେ ଅଧିକ ବ୍ୟବହୃତ ହୁଏ। ଏହା ସହ ଅର୍ଜୁନ ସିଂ କହିଛନ୍ତି ଯେ ନିର୍ବାଚନ ହିଂସା ସମାଧାନ ପାଇଁ ବଙ୍ଗଳା ସରକାର ଏକ ସର୍ବଦଳୀୟ ବୈଠକ ଡାକିବା ଉଚିତ। ନିର୍ବାଚନ ହିଂସାକୁ କେବଳ ରାଜ୍ୟ ସରକାର ନିୟନ୍ତ୍ରଣ କରିପାରିବେ ନାହିଁ।
ସୂଚନାଥାଉକି, ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନରେ ୫୦ ରୁ ଅଧିକ ଲୋକ ପ୍ରାଣ ହରାଇଛନ୍ତି ଏବଂ ପରବର୍ତ୍ତୀ ସମୟରେ ବିଭିନ୍ନ ସ୍ଥାନରେ ହିଂସା ଓ ବୋମା ଉଦ୍ଧାର କରାଯାଇଛି। ବୋମା ବିସ୍ଫୋରଣରେ ମଧ୍ୟ ଅନେକ ଲୋକଙ୍କର ମୃତ୍ୟୁ ହୋଇଛି। ଏଥିରେ ୩୦ରୁ ଅଧିକ ତୃଣମୂଳ କଂଗ୍ରେସ କର୍ମୀ ପ୍ରାଣ ହରାଇଛନ୍ତି।
ଏହି ସମୟରେ, ଟିଏମସି ନେତା ଅର୍ଜୁନ ସିଂ ବଙ୍ଗଳାରେ ହିଂସା ଏବଂ ବୋମା ବିସ୍ଫୋରଣ ଘଟଣା ସମ୍ପର୍କରେ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। ସେ କହିଛନ୍ତି ଯେ ବଙ୍ଗଳା ହିଂସା ପଛର କାରଣ ହେଉଛି ଶସ୍ତା ବୋମା। ସମଗ୍ର ଦେଶ ଅପେକ୍ଷା ବଙ୍ଗଳାରେ କମ୍ ମୂଲ୍ୟରେ ବୋମା ମିଳେ। ଅନ୍ୟାନ୍ୟ ଅସ୍ତ୍ରଶସ୍ତ୍ର ମଧ୍ୟ ବଙ୍ଗଳାରେ ସହଜରେ ଉପଲବ୍ଧ। ସେଥିପାଇଁ ଏଠାରେ ଅଧିକ ବୋମା ବ୍ୟବହୃତ ହୁଏ।