ଲଣ୍ଡନ: ବ୍ରିଟେନର କ୍ଷୁଦ୍ରତମ ମହିଳାଙ୍କ ନାମ ହେଲା ଜର୍ଜିଆ ର୍ୟାନକିନ୍ । ତାଙ୍କ ବୟସ ୨୧ ବର୍ଷ ଏବଂ ଉଚ୍ଚତା ୨ ଫୁଟ ୭ ଇଂଚ । ଅନ୍ୟ ମଡେଲ ତୁଳନାରେ ତାଙ୍କ ଉଚ୍ଚତା କମ୍ ହେଲେ ମଧ୍ୟ ସେ ହୀନମନ୍ୟତାର ଶୀକାର ହୋଇ ନାହାନ୍ତି । ନିଜକୁ ଗ୍ଲାମରସ ଲୁକ୍ ଦେବା ସହ ସେ ସର୍ବଦା ଦୃଢ଼ ଆତ୍ମ ବିଶ୍ୱାସ ସହକାରେ ପ୍ରସ୍ତୁତ ହୋଇଥାନ୍ତି । ପିଲାବେଳେ ସେ ସର୍ବଦା ରୋଗୀଣା ରହୁଥିଲେ । ତାଙ୍କ ବାପା, ମାଆ ଝିଅ ନେଇ ମନଦୁଃଖରେ ରହିଥାନ୍ତି । ଏବେ କିନ୍ତୁ ସେମାନେ ମୋ ନେଇ ଗର୍ବ ଅନୁଭବ କରୁଛନ୍ତି ବୋଲି ଜର୍ଜିଆ କହିଛନ୍ତି ।
ୟୁଟୁ୍ୟବରେ ତାଙ୍କର ୭୦୦,୦୦୦ ଫଲୋର୍ସ । ଏଥିରୁ ଅନୁମାନ କରି ହେଉଥିବ ତାଙ୍କ ଭିଡିଓ ପାଇଁ କେତେ ପ୍ରଶଂସକ ଅପେକ୍ଷା କରି ରହୁଛନ୍ତି । ବର୍ତମାନ ଅନେକ ଫ୍ୟାଶନ ଇଣ୍ଡଷ୍ଟ୍ରି ତାଙ୍କ ସହ ଯୋଗାଯୋଗରେ ଅଛନ୍ତି । ଜର୍ଜିଆଙ୍କ ବ୍ୟକ୍ତିତ୍ୱ ଅନେକଙ୍କୁ ପ୍ରଭାବିତ କରିଥାଏ । ସେ ଏବେ ଦିବ୍ୟାଙ୍ଗଙ୍କ ପାଇଁ ଆଦର୍ଶ ସାଜିଛନ୍ତି ।
Comments are closed.