Israel-Iran Conflict: ଦୁବାଇରେ ଇରାନର କ୍ଷେପଣାସ୍ତ୍ର ଆକ୍ରମଣ; ବୁର୍ଜ ଖଲିଫା କରାଗଲା ଖାଲି …ବିମାନବନ୍ଦର ବନ୍ଦ
ନୂଆଦିଲ୍ଲୀ: ଆମେରିକା ଏବଂ ଇସ୍ରାଏଲ ମିଳିତ ଭାବରେ ଇରାନ ଉପରେ ଆକ୍ରମଣ କରିଛନ୍ତି। ପ୍ରତିଶୋଧ ସ୍ୱରୂପ, ଇରାନ ବିଭିନ୍ନ ଦେଶରେ ଥିବା ଆମେରିକୀୟ ସାମରିକ ଘାଟି ଉପରେ ଆକ୍ରମଣ କରିଛି। ଏହି ସମୟରେ, ଶନିବାର ଦୁବାଇରେ ଶକ୍ତିଶାଳୀ ବିସ୍ଫୋରଣ ହୋଇଥିବା ସୂଚନା ମିଳିଛି, ଯାହା ଫଳରେ ବୁର୍ଜ ଖଲିଫା ଖାଲି କରାଯାଇଥିଲା।
ଇରାନର ଆକ୍ରମଣ ଯୋଗୁଁ, ବିଶ୍ୱର ସବୁଠାରୁ ବ୍ୟସ୍ତ ଦୁବାଇ ଅନ୍ତର୍ଜାତୀୟ ବିମାନବନ୍ଦରକୁ ମଧ୍ୟ ବନ୍ଦ କରିବାକୁ ପଡିଛି।
ଦୁବାଇ ଅନ୍ତର୍ଜାତୀୟ ବିମାନବନ୍ଦର ନିକଟରେ ଏକାଧିକ ବିସ୍ଫୋରଣ ଶବ୍ଦ ଶୁଣିବାକୁ ମିଳିଥିଲା, ଯାହା ଫଳରେ ପରବର୍ତ୍ତୀ ସୂଚନା ପର୍ଯ୍ୟନ୍ତ ସମସ୍ତ ଉଡ଼ାଣକୁ ସ୍ଥଗିତ ରଖାଯାଇଛି। ଦୁବାଇର ପାମ୍ ଜୁମେରାହରେ ଥିବା ଫେୟାରମୋଣ୍ଟ ହୋଟେଲରେ ଏକ କ୍ଷେପଣାସ୍ତ୍ର ମାଡ଼ ହୋଇଥିଲା।
Ministry of Defence of the United Arab Emirates tweets, “The UAE today was subjected to a blatant attack involving Iranian ballistic missiles, noting that UAE air defence systems dealt with the missiles with high efficiency and successfully intercepted a number of missiles.… pic.twitter.com/CTEzFuBZnO
— ANI (@ANI) February 28, 2026
ସୋସିଆଲ ମିଡିଆରେ ପୋଷ୍ଟ ହୋଇଥିବା ଭିଡିଓଗୁଡ଼ିକରେ ପର୍ଯ୍ୟଟକଙ୍କ ଲୋକପ୍ରିୟ କୋଠାଟି ନିଆଁ ଲାଗିଥିବାର ଦେଖାଯାଉଛି। ଦୁଇଜଣ ପ୍ରତ୍ୟକ୍ଷଦର୍ଶୀ ଏଏଫପିକୁ କହିଛନ୍ତି ଯେ ସେମାନେ ଏକ ବିସ୍ଫୋରଣ ଶୁଣିଛନ୍ତି ଏବଂ ଦୁବାଇର ଦି ପାମ୍ ରୁ ଧୂଆଁ ଉଠୁଥିବା ଦେଖିବାକୁ ମିଳିଥିଲା ।
UAE ପ୍ରତିରକ୍ଷା ମନ୍ତ୍ରଣାଳୟ ଟ୍ୱିଟ୍ କରି କହିଛି, “ଆଜି UAE ଇରାନୀ ବାଲିଷ୍ଟିକ୍ କ୍ଷେପଣାସ୍ତ୍ର ଦ୍ୱାରା ଆକ୍ରମଣର ହୋଇଛି। UAE ବାୟୁ ପ୍ରତିରକ୍ଷା ପ୍ରଣାଳୀ ଦକ୍ଷତାର ସହିତ କ୍ଷେପଣାସ୍ତ୍ରଗୁଡ଼ିକର ମୁକାବିଲା କରିଛି ଏବଂ ଅନେକକୁ ସଫଳତାର ସହ ପ୍ରତିହତ କରିଛି।
UAE କର୍ତ୍ତୃପକ୍ଷ କହିଛନ୍ତି କିଛି କ୍ଷେପଣାସ୍ତ୍ରର ଭଗ୍ନାବଶେଷ ଏକ ଆବାସିକ ଅଞ୍ଚଳରେ ପଡ଼ିଥିଲା, ଯାହା ଫଳରେ କିଛି ସମ୍ପତ୍ତି କ୍ଷତି ହୋଇଥିଲା। ଭଗ୍ନାବଶେଷ ପଡ଼ିବାରୁ ଜଣେ ଏସୀୟ ନାଗରିକଙ୍କ ମୃତ୍ୟୁ ହୋଇଥିଲା। କର୍ତ୍ତୃପକ୍ଷ ନିଶ୍ଚିତ କରିଛନ୍ତି ଯେ UAEରେ ସୁରକ୍ଷା ପରିସ୍ଥିତି ସ୍ଥିର ରହିଛି ଏବଂ ସମସ୍ତ ସମ୍ପୃକ୍ତ ଏଜେନ୍ସିଗୁଡିକ ଦିନରାତି ନଜର ରଖିଛନ୍ତି। ”