ବିଜେଡି ନିଲମ୍ବନ ନ କରି ବହିଷ୍କାର କରିଥିଲେ ଖୁସି ହୋଇଥାନ୍ତି: ସୌଭିକ

ଭୁବନେଶ୍ୱର: ଆଜି ସୌଭିକ ବିଶ୍ୱାଳ ପ୍ରେସ ମିଟ କରି ବିଜେଡି ଉପରେ ବର୍ଷିଛନ୍ତି । ସେ ସିଧା ନବୀନ ପଟ୍ଟନାୟକଙ୍କୁ ନିଶାନା କରିଛନ୍ତି । ପ୍ରେସ ମିଟର ସେ କହିଥିଲେ କି ବାପାଙ୍କ ପ୍ରତି ହୋଇଥିବା ଅପମାନକୁ ମୁଁ ସହ୍ୟ କରିପାରିବି ନାହିଁ । ଯଦି ଏଥିପାଇଁ ମୋତେ ଗୁଳି କଲେ ବି ତାହାକୁ ସାମ୍ନା କରିବି । କେବଳ ବାପାଙ୍କ ପାଇଁ ମୋତେ ବିଧାନସଭା ଯିବାକୁ ସୁଯୋଗ ମିଳିଛି । ମୋତେ ବିଜେଡି ନିଲମ୍ବନ ନ କରି ବହିଷ୍କାର କରିଥିଲେ ବେଶୀ ଖୁସି ହୋଇଥାନ୍ତି ।
ବାପାଙ୍କୁ ବହିଷ୍କାରର ୫ ଦିନ ପରେ ମୋତେ ନବୀନ ନିବାସରୁ ଡାକରା ଆସିଥିଲା । ଭାବିଥିଲି ମୋତେ ବାପାଙ୍କ ବାବଦରେ ଡାକି କିଛି କହିବେ ବୋଲି । ମାତ୍ର ମୋତେ ନିର୍ମାଲ୍ୟ ଛୁଆଁଇ ସଂତୃପ୍ତ ମିଶ୍ରଙ୍କୁ ଭୋଟ ଦେବାକୁ କହିଲେ । ମୁଁ ସିଧା ମନା କରିଥିଲି, ଏହି ନିଷ୍ପତ୍ତି ମୁଁ ନେଇପାରିବିନି, ବାପା ନେବେ ବୋଲି ସେ କହିଥିଲେ।