ମୁମ୍ବାଇ: ଭାରତୀୟ କ୍ରିକେଟ ଟିମର ସ୍ପିନର ୟୁଜଭେନ୍ଦ୍ର ଚହଲ ଓ ପତ୍ନୀ ଧନଶ୍ରୀ ବର୍ମାଙ୍କ ଇନଷ୍ଟାଗ୍ରାମ ପୋଷ୍ଟ ଏବେ ସୋସିଆଲ ମିଡିଆରେ ୟୁଜର୍ସଘଙ୍କ ମନରେ ଅନେକ ଦ୍ୱନ୍ଦ୍ୱ ସୃଷ୍ଟି କରିଛି । କେତେକ ଏହାକୁ ଉଭୟଙ୍କ ସମ୍ପର୍କ ଭଲ ନ ଥିବା ସହ ଯୋଡୁଥିବା ବେଳେ ଅନ୍ୟମାନେ କିଛି ପବ୍ଲିସିଟି ଷ୍ଟଂଟ ସହିତ ଯୋଡିଛନ୍ତି । ଧନଶ୍ରୀ ତାଙ୍କ ସୋସିଆଲ ମିଡିଆରେ ଚହଲ ଟାଇଟଲ ହଟାଇ ଦେଇଥିଲେ । ଏହାର କିଛି ସମୟ ପରେ ୟୁଜଭେନ୍ଦ୍ର ଲେଖିଥିଲେ ନ୍ୟୁ ଲାଇଫ ଲୋଡିଂ । ଅବଶ୍ୟ ଧନଶ୍ରୀ ତାଙ୍କ ଆକାଂଉଟସରୁ ୟୁଜଭେନ୍ଦ୍ରଙ୍କ ସହ ଥିବା ଫଟୋ ଉଠାଇ ନାହାନ୍ତି । ସୂଚନାଯୋଗ୍ୟ ଧନଶ୍ରୀ ଜଣେ ଭଲ କୋରିଓଗ୍ରାଫର । ତାଙ୍କଠାରୁ ଚହଲ ଡ୍ୟାନ୍ସ ଶିଖୁଥିଲେ । ଏହା ପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା । ଶେଷରେ ୨୨ ଡିସେମ୍ବର ୨୦୨୦ରେ ଉଭୟ ବିବାହ କରିଥିଲେ । ଏହି ଯୋଡିଙ୍କ ଫଟୋ ଏବଂ କେମେଷ୍ଟ୍ରିକୁ ପ୍ରଶଂସକମାନେ ବେଶ ପସନ୍ଦ କରୁଥିଲେ ।
Comments are closed.