ଚମ୍ପୁଆ: କେନ୍ଦୁଝର ଜିଲ୍ଲାର ଚମ୍ପୁଆ ନିକଟସ୍ଥ ପାଟଲା ଜଙ୍ଗଲରେ ଚୋରି ମାମଲାରେ ଅଭିଯୁକ୍ତ ମହମ୍ମଦ ନଫିସକୁ ଏନ୍କାଉଣ୍ଟର କରିଛି ପୋଲିସ।
ରିପୋର୍ଟ ଅନୁଯାୟୀ, ରବିବାର ଦିନ ଝାଡ଼ଖଣ୍ଡର ମାଝିଗାଁରୁ ନଫିସକୁ ଗିରଫ କରାଯାଇଥିଲା। ଗିରଫ ହେବା ପରେ ପୋଲିସ ତାଙ୍କୁ ସୋମବାର ସକାଳେ ପାଟଲା ଜଙ୍ଗଲକୁ ନେଇ ସେଠାରେ ଲୁଚାଇ ରଖିଥିବା ଚୋରି ସାମଗ୍ରୀ ଉଦ୍ଧାର କରିଥିଲା।
ପୋଲିସ ଅନୁଯାୟୀ, ଚୋରି ଜିନିଷର ସ୍ଥାନ ଦେଖାଇବା ସମୟରେ ନଫିସ ହଠାତ୍ ଜଙ୍ଗଲରେ ପୂର୍ବରୁ ଲୁଚାଇ ରଖିଥିବା ଏକ ବନ୍ଧୁକ ବାହାର କରି ପୋଲିସ ଉପରକୁ ଗୁଳି ଚଳାଇ ଖସିଯିବାକୁ ଚେଷ୍ଟା କରିଥିଲା। ଜବାବରେ ପୋଲିସ ଆତ୍ମରକ୍ଷା ପାଇଁ ଗୁଳି ଚଳାଇଥିଲା, ଯାହା ଫଳରେ ନଫିସ ଆହତ ହୋଇଥିଲେ। ତା ଗୋଡରେ ଗୁଳି ବାଜିଥିଲା ବେଳେ ତାଙ୍କୁ ଚିକିତ୍ସା ପାଇଁ ତୁରନ୍ତ ଚମ୍ପୁଆ ହସ୍ପିଟାଲକୁ ପଠାଯାଇଥିଲା।
ଉଲ୍ଲେଖଯୋଗ୍ୟ, ଚମ୍ପୁଆ ଥାନା ଅଞ୍ଚଳରେ ଘର ଭାଙ୍ଗିବା ଏବଂ ଚୋରି ଭଳି ଅନେକ ମାମଲା ନଫିସ ନାଁରେ ରହିଛି।
Comments are closed.