ତାଇପେ: ଚୀନର ୩୦ ଯୁଦ୍ଧ ବିମାନ ଆଜି ତାଇୱାନ ସୀମାରେ ପ୍ରବେଶ କରିବା ଯୋଗୁ ଉତେଜନା ବୃଦ୍ଧି ପାଇଛି । ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ତାଇୱାନ ସମର୍ଥନକୁ ଚୀନ ଏହା ମାଧ୍ୟମରେ ସମ୍ପୂର୍ଣ୍ଣ ଭାବେ ବେଖାତିର କରିଛି । ସୀମାରେ ଯୁଦ୍ଧ ବିମାନ ପ୍ରବେଶ କରିବା ପରେ ତାଇୱାନ ପ୍ରତିରକ୍ଷା ବାହିନୀ ଆବଶ୍ୟକ ପଦକ୍ଷେପ ଗ୍ରହଣ କରିଥିଲା । ଚେତାବନୀ ଦେବା ପରେ ଚୀନ ବିମାନଗୁଡିକ ପଳାଇ ଯାଇଥିଲା । ବାଇଡେନ ସ୍ପଷ୍ଟ ଭାବେ କହିଛନ୍ତି ତାଇୱାନ ଉପରେ ଚୀନ ଆକ୍ରମଣ କଲେ ଆମେରିକା ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବ । ଏ ନେଇ ଚୀନ ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା ।
ତାଇୱାନ ପ୍ରସଙ୍ଗରେ ଅନ୍ୟ କିଏ ମୁଣ୍ଡ ନ ପୂରାଉ ବୋଲି ଚୀନ ଚେତାବନୀ ଦେଇଛି । ତାଇୱାନ ସେନାକୁ ଆଲର୍ଟ ରଖିବା ସହ ଏୟାର ମିସାଇଲ ସିଷ୍ଟମ ନିୟୋଜିତ କରାଯାଇଛି । ୨୦୨୦ରେ ଚୀନର ୯୬୯ ଯୁଦ୍ଧବିମାନ ଓ ୨୦୨୧ରେ ୫୬ ବିମାନ ତାଇୱାନ ସୀମାରେ ପ୍ରବେଶ କରିଛି । ରୁଷିଆ-ୟୁକ୍ରେନ ପରେ ଏବେ ଚୀନ-ତାଇୱାନ ମଧ୍ୟରେ ସଂଘର୍ଷ ଚରମ ସୀମାରେ ପଂହଚିଯାଇଛି ।
Comments are closed.