ଭୁବନେଶ୍ୱର: ପାର୍ବଣ ଋତୁ ଆସିଗଲେ ବିଭିନ୍ନ ସ୍ଥାନରେ ଦାଦା ବଟି ଆଦାୟ ହେଉଥିବା ନଜରକୁ ଆସେ । ବେଳେ ବେଳେ ଏହାକୁ ନେଇ ଅନେକ ଅପରାଧ ମଧ୍ୟ ଘଟିଯାଇଥାଏ । ଏହାକୁ ଦୃଷ୍ଟିରେ ରଖି ଚଳିତ ବର୍ଷ କମିଶନରେଟ୍ ପୋଲିସ ପକ୍ଷରୁ ଆଜି ଏକ ହେଲପ୍ ଲାଇନ ନମ୍ବର ଜାରି କରାଯିବ ବୋଲି ସୂଚନା ଦିଆଯାଇଛି ।
ଏହି ନମ୍ବରରେ ଜନସାଧାରଣ ସେମାନଙ୍କ ଅଭିଯୋଗ କରିପାରିବେ । ସୂଚନା ଦେଉଥିବା ଲୋକଙ୍କୁ ପୋଲିସ ଗୋପନ ରଖିବ । ପରବର୍ତ୍ତୀ ସମୟରେ ସେମାନଙ୍କୁ ପୁରସ୍କୃତ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି । ପୋଲିସର ଏହି ପଦକ୍ଷେପକୁ ବିଭିନ୍ନ ପୂଜା କମିଟି ପକ୍ଷରୁ ସ୍ୱାଗତ କରାଯାଇଛି ।