ଓଡ଼ିଶା ସମ୍ବାଦ ବ୍ୟୁରୋ: ଆପଣ ନିଶ୍ଚିତ ଭାବରେ ସଂସ୍କୃତରେ ଏକ ଶ୍ଳୋକ ଶୁଣିଥିବେ “ସ୍ୱଦେଶେ ପୂଜ୍ୟତେ ରାଜା, ବିଦ୍ୱାନ ସର୍ବତ୍ର ପୂଜ୍ୟତେ” ଅର୍ଥାତ୍ ରାଜା କେବଳ ନିଜ ରାଜ୍ୟ କିମ୍ବା ଦେଶରେ ପୂଜା ପାଆନ୍ତି। କିନ୍ତୁ ଜଣେ ବିଦ୍ୱାନ ବ୍ୟକ୍ତିଙ୍କ ପୂଜା ସମଗ୍ର ବିଶ୍ୱ କରେ। କର୍ପୋରେଟ୍ ଜଗତ ପାଇଁ ଏହି ପଦଟି ସତ୍ୟ ପ୍ରମାଣିତ ହେଉଛି। ଅନେକ କମ୍ପାନୀ ବର୍ତ୍ତମାନ ସେହି ଲୋକମାନଙ୍କୁ ଖୋଜୁଛନ୍ତି ଯେଉଁମାନେ ଏକାଧାରରେ ଅନେକ ବିଷୟ ଉପରେ ବିଶେଷଜ୍ଞ। ଯେକୌଣସି କମ୍ପାନୀ ଚାହାଁନ୍ତି ଯେ ସେମାନଙ୍କର ବୃହତ କାର୍ଯ୍ୟ କମ୍ ସମୟ ମଧ୍ୟରେ ସମାପ୍ତ ହେଉ।
ଯେତେବେଳେ ଚାଟ୍ ଜିପିଟି ବଜାରକୁ ଆସିଲା, ଅଧିକାଂଶଙ୍କ ମଧ୍ୟରେ ଆଲୋଚନା ଏହା ଥିଲା ଯେ ଏହା ଲୋକଙ୍କ ଚାକିରି ନେଇଯିବ ଏବଂ ଏହି କଥା ମଧ୍ୟ ସତ ହୋଇଛି। ଚାଟ୍ ଜିପିଟି (ChatGPT) ପରି ଏଆଇ ଉପକରଣ ଯୋଗୁଁ ଅନେକ ଲୋକ ଚାକିରି ହରାଇଛନ୍ତି କିନ୍ତୁ ଚାଟ୍ ଜିପିଟି ମଧ୍ୟ ଲୋକଙ୍କୁ ଚାକିରି ଦେଉଛି। ଦ୍ରୁତଗତିରେ ବଢୁଥିବା ଏଆଇ ଚାଟ୍ ଟୁଲ୍ ବଜାରରେ ପ୍ରମ୍ପ୍ଟ ଇଞ୍ଜିନିୟରର ସର୍ବାଧିକ ଚାହିଦା ରହିଛି। ପ୍ରମ୍ପ୍ଟ ଇଞ୍ଜିନିୟରମାନେ ହିଁ ଚାଟ୍ ଜିପିଟି ପରି ଏକ ଏଆଇ ଟୁଲ୍କୁ ନିର୍ଦ୍ଦେଶ ଦିଅନ୍ତି ଯାହା ଉପରେ ଆଧାର କରି ଏଆଇ ଟୁଲ୍ କାମ କରେ।
ଉଦାହରଣ ସ୍ୱରୂପ ଯଦି ଆପଣଙ୍କୁ ଏକ ଏଭଳି ଚିତ୍ର ଦରକାର ଯେଉଁଥିରେ ଦୁଇ ଦମ୍ପତି ଏକ ସୁନ୍ଦର ନଦୀ କୂଳରେ ବସିଛନ୍ତି। ତେବେ ଏହି କ୍ଷେତ୍ରରେ ଏଆଇ ଟୁଲ୍କୁ ତୁରନ୍ତ ପ୍ରମ୍ପ୍ଟ ଦେବାକୁ ପଡିବ। ଏହା ପରେ ଆପଣଙ୍କ ମନପସନ୍ଦ ଚିତ୍ର ଆଖି ପିଛୁଳାକେ ପ୍ରସ୍ତୁତ ହୋଇଯିବ। ବିଶେଷଜ୍ଞଙ୍କ ଅନୁଯାୟୀ, ଆଗାମୀ ସମୟରେ ପ୍ରମ୍ପ୍ଟ ଇଞ୍ଜିନିୟରଙ୍କର ଅଧିକ ଚାହିଦା ବଢିବ। ପ୍ରମ୍ପ୍ଟ ଇଞ୍ଜିନିୟର ପଦ ପାଇଁ ଅନେକ କମ୍ପାନୀ ପ୍ରତ୍ୟକ୍ଷ ନିଯୁକ୍ତି କରୁଛନ୍ତି। ସାମ୍ପ୍ରତିକ ବଜାରରେ ପ୍ରମ୍ପ୍ଟ ଇଞ୍ଜିନିୟରଙ୍କୁ ୨.୭ କୋଟି ଟଙ୍କା ପର୍ଯ୍ୟନ୍ତ ଦରମା ପ୍ରଦାନ କରାଯାଇପାରିବ।ପ୍ରମ୍ପ୍ଟ ଇଞ୍ଜିନିୟରମାନଙ୍କ ପାଇଁ ବର୍ତ୍ତମାନ ଅନେକ କଲେଜ ଏବଂ ଏଆଇ ଉପକରଣ ତିଆରି କରୁଥିବା କମ୍ପାନୀଗୁଡିକ ଉପଯୁକ୍ତ ପାଠ୍ୟକ୍ରମ ପରିଚାଳନା କରୁଛନ୍ତି।
ResumeBuilder ର ଏକ ରିପୋର୍ଟ ଅନୁଯାୟୀ, ୯୨୧ ପ୍ରତିଶତ କମ୍ପାନୀ ଲୋକଙ୍କୁ ନିଯୁକ୍ତି ଦେବାକୁ ଚାହୁଁଛନ୍ତି ଯାହାର ରିଜ୍ୟୁମରେ ଚାଟ୍ ଜିପିଟି ସହିତ କାମ କରିବାର କ୍ଷମତା ଉଲ୍ଲେଖ ରହିଛି। କମ୍ପାନୀଗୁଡିକ ଏହିପରି ଲୋକଙ୍କୁ ପ୍ରାଥମିକତା ଏବଂ ଅଧିକ ବେତନ ପ୍ରଦାନ କରୁଛନ୍ତି। ବିଜନେସ୍ ଇନସାଇଡର୍ ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ଚାଟ୍ ଜିପିଟି ବିଶେଷଜ୍ଞମାନେ ୧,୮୫,୦୦୦ ଡଲାର ଅର୍ଥାତ୍ ପ୍ରାୟ ୧.୫ କୋଟି ପର୍ଯ୍ୟନ୍ତ ଦରମା (ବାର୍ଷିକ) ଅଫର ପାଇଛନ୍ତି।
ଆମେରିକାରେ ସ୍କ୍ରାଚ୍ ନାମକ ଏକ ଏଚଆର କମ୍ପାନୀ ଅଛି ଯିଏ ନିକଟରେ ଚାକିରି ପାଇଁ ନିଯୁକ୍ତି ପ୍ରକାଶ କରିଛି। ଏଥିରେ ସିନିୟର ମେସିନ୍ ଲର୍ଣ୍ଣିଂ ଇଞ୍ଜିନିୟର ଏବଂ ଅଡିଓ ଏକ୍ସପର୍ଟଙ୍କ ପାଇଁ କମ୍ପାନୀ ଆବେଦନ କରିଛି। ଏହି ପଦବୀ ପାଇଁ ଅତ୍ୟାବଶ୍ୟକ ଯୋଗ୍ୟତା ଚାଟ୍ ଜିପିଟି, ମିଡଜୋର୍ନି ଆଦି’ ଏଆଇ ଟୁଲ୍ ଗୁଡ଼ିକ ସହିତ କାର୍ଯ୍ୟ କରିବାରେ ପାରଦର୍ଶିତା ଅନ୍ତର୍ଭୁକ୍ତ କରେ। ଏପରି ଯୋଗ୍ୟ ବ୍ୟକ୍ତିଙ୍କୁ ୧,୨୫,୦୦୦ -୧,୮୫,୦୦୦ ଡଲାର ଦରମା ଦିଆଯିବ।
ଏଆଇ ଟୁଲ୍ Interface.ai ମଧ୍ୟ ରିମୋଟ ମେସିନ ଇଞ୍ଜିନିୟରର ସନ୍ଧାନରେ ଅଛି ଯିଏ କି ୧,୭୦,୦୦୦ ଡୋଲାର ଦରମା ଦେବାକୁ ପ୍ରସ୍ତୁତ ଅଛି। ଚାଟ୍ ଜିପିଟି ବ୍ୟତୀତ ପ୍ରାର୍ଥୀଙ୍କର ନେଚୁରାଲ ଲାଙ୍ଗୁଏଜ୍ ପ୍ରିଫରେନ୍ସ ଏବଂ ଲାର୍ଜ ଲାଙ୍ଗୁଏଜ୍ ପ୍ରିଫରେନ୍ସ ମଡେଲ ବିଷୟରେ ଜ୍ଞାନ ଥିବା ଆବଶ୍ୟକ। ତେଣୁ ସାମଗ୍ରିକ ଭାବରେ ଏହା ହେଉଛି ଯେ ଯଦି ଆପଣ ନିଜକୁ ସଫ୍ଟୱେର୍ ପରି ସମୟ ସହିତ ଅପଡେଟ୍ କରନ୍ତି ତେବେ ଆପଣଙ୍କର ଚାହିଦା ସର୍ବଦା ଉଚ୍ଚ ରହିବ।