କୁଚ ବିହାର ଟ୍ରଫି: ଇନିଂସ ବିଜୟ ଲକ୍ଷ୍ୟରେ ଓଡିଶା

ଅହମ୍ମଦାବାଦ: ଏଠାରେ ଚାଲିଥିବା କୁଚ ବିହାର ଟ୍ରଫିରେ ମଣିପୁର ବିପକ୍ଷରେ ଓଡିଶା ଇନିଂସ ବିଜୟ ଲକ୍ଷ୍ୟରେ ରହିଛି । ଦ୍ୱିତୀୟ ଦିବସ ଖେଳ ଶେଷ ସୁଦ୍ଧା ଓଡିଶା ୩୬୨ ରନର ଅଗ୍ରଣୀ ହାସଲ କରି ନେଇଛି । ମଣିପୁରକୁ ପ୍ରଥମ ଇନିଂସରେ ୧୧୦ ରନରେ ଅଲଆଉଟ କରିବା ପରେ ଓଡିଶା ରବିବାର ଶେଷ ସୁଦ୍ଧା କୌଣସି ୱିକେଟ ନ ହରାଇ ୧୬୭ ରନ କରିଥିଲା । ଆଜି ଦିବ୍ୟଜ୍ୟୋତି ପଟ୍ଟନାୟକ ୧୧୩ ରନର ଇନିଂସ ଖେଳିଥିବା ବେଳେ ଆଶୀର୍ବାଦ ସ୍ୱାଇଁ ୮୯ ରନ କରି ଶତକ ସୁଯୋଗ ହାତଛଡା କରିଥିଲେ । ମଣିପୁରର ପ୍ରଭାବହୀନ ବୋଲିଂର ଫାଇଦା ଉଠଇ ସାଇଦୀପ ମହାପାତ୍ର ୮୭, ମହମ୍ମଦ ସୋହେଲ ଖାଁ ( ୬୧ ନଟଆଉଟ) ଓ ଶ୍ରେୟାଂଶୁ ଭରଦ୍ୱାଜ (୫୨) ଅର୍ଦ୍ଧଶତକ ହାସଲ କରିଥିଲେ । ଓଡିଶା ମଙ୍ଗଳବାର ଇନିଂସ ବିଜୟ ହାସଲ ଲକ୍ଷ୍ୟରେ ପଡିଆକୁ ଓହ୍ଲାଇବ ।