ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କରୋନା ପରୀକ୍ଷଣ ଏକ ନୂଆ ରେକର୍ଡ ସୃଷ୍ଟି କରିଛି। ଗୋଟିଏ ଦିନରେ ସର୍ବାଧିକ ୯୦,୩୫୪ ପରୀକ୍ଷା କରାଯାଇଥିଲା ଏବଂ ସଂକ୍ରମଣ ହାର ମଧ୍ୟ ଯଥେଷ୍ଟ କମ୍ ଥିବା ଜଣାପଡିଛି। ଏହା ସହ ଗୋଟିଏ ଦିନରେ କରୋନାର ୧୩୬୩ ଟି ନୂଆ ମାମଲା ପ୍ରକାଶ ପାଇଛି।
ତଥ୍ୟ ଅନୁଯାୟୀ, ଗୁରୁବାର ଦିନ ଦିଲ୍ଲୀରେ କରୋନାର ୯୦,୩୫୪ ପରୀକ୍ଷା କରାଯାଇଥିଲା। ସେହିପରି, ଗୋଟିଏ ଦିନରେ କେବଳ ମୋଟ ପରୀକ୍ଷଣର ରେକର୍ଡ ନୁହେଁ, ଆରଟି- ପିସିଆର୍ ପରୀକ୍ଷଣର ନୂତନ ରେକର୍ଡ ମଧ୍ୟ କରାଯାଇଥିଲା। ଅତୀତରେ ଗୋଟିଏ ଦିନରେ ସର୍ବାଧିକ ୪୯,୧୦୨ RT-PCR ପରୀକ୍ଷା କରାଯାଇଥିଲା। ଆରଟି- ପିସିଆର୍ ପରୀକ୍ଷା କୋଭିଡ ପରୀକ୍ଷା ପାଇଁ ସର୍ବୋତ୍ତମ ବୋଲି ବିବେଚନା କରାଯାଉଥିବାବେଳେ ଦ୍ରୁତ ଆଣ୍ଟିଜେନ୍ ପରୀକ୍ଷା ୬୦ ପ୍ରତିଶତ ସଠିକ୍ ବୋଲି ବିବେଚନା କରାଯାଏ।
ଏଥିସହିତ ଦିଲ୍ଲୀରେ କରୋନା ଯୋଗୁଁ ୩୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଥିବା ବେଳେ ୨୩୯୧ ଜଣ ଲୋକ ଐଥିରୁ ଆରୋଗ୍ୟ ଲାଭ କରିଛନ୍ତି। ଏହାଛଡ଼ା ସକ୍ରିୟ ମାମଲା ୧୨,୧୯୮ କୁ ହ୍ରାସ ପାଇଛି। ମୃତକଙ୍କ ସଂଖ୍ୟା ୧୦,୧୮୨ ରେ ପହଞ୍ଚିଛି। ଦିଲ୍ଲୀରେ ସୁସ୍ଥତା ହାର ମଧ୍ୟ ୯୬ ପ୍ରତିଶତ ପାଖାପାଖି ରହିଛି।