ଭୁବନେଶ୍ୱର: ଘାତକ କରୋନା ମହାମାରୀ ସାରା ବିଶ୍ୱରେ ନିଜର କାୟା ବିସ୍ତାର କରି ଚାଲିଥିବା ବେଳେ ଏହି ଭୂତାଣୁ ସଂକ୍ରମଣ ଯୋଗୁଁ ବିଶ୍ୱରେ ଏଯାଏଁ ୩୫,୦୦୦ରୁ ଅଧିକ ବ୍ୟକ୍ତି ପ୍ରାଣ ହରାଇଲେଣି । ଏହି ଭୂତାଣୁ ଜନିତ ସଂକ୍ରମଣ ଦେଶକୁ ଦେଶ ବ୍ୟାପୀ ଚାଲିଥିବା ବେଳେ ସାଧାରଣ ଜୀବନ ଯାତ୍ରା ବ୍ୟାହତ ହେବାରେ ଲାଗିଛି । ତେବେ ଏହି ମହାମାରୀ ଯୋଗୁଁ ଅଧିକାଂଶ ବୟସ୍କ ଲୋକ ବା ବରିଷ୍ଠ ନାଗରିକଙ୍କ ପ୍ରାଣହାନୀ ଘଟିଥିବା ସୂତ୍ରରୁ ଜଣାପଡ଼ିଛି ।
ଏହି କରୋନା ଭୂତାଣୁ ବୟସ୍କ ନାଗରିକଙ୍କୁ ଅଧିକ ମାତ୍ରାରେ ସଂକ୍ରମଣ କରିବାର ଭୟ ରହିଥାଏ । ସାଧାରଣତଃ ବରିଷ୍ଠ ନାଗରିକମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି କମ୍ ଥାଏ ।
ଦ୍ୱିତୀୟ କଥା ହେଲା ଶାରିରୀକ କ୍ଷମତା କମ୍ ରହିଥିବା ତଥା ଡାଇବିଟିସ, ବ୍ଲଡ଼ ପ୍ରେସର ଏବଂ ହୃଦରୋଗ ଏହି ବରିଷ୍ଠ ନାଗରିକମାନଙ୍କ ଠାରେ ଅଧିକ ଦେଖାଯାଉଥିବା ଯୋଗୁଁ ସେମାନଙ୍କୁ କରୋନା ଭୂତାରୁ ସଂକ୍ରମଣରୁ ଦୂରରେ ରହିବା ଉଚିତ୍ ।
କରୋନା ଠାରୁ ବର୍ତ୍ତିବା ଲାଗି କ’ଣ କରିବେ ବରିଷ୍ଠ ବ୍ୟକ୍ତି:
- ଘର ବାହାରକୁ ଆଦୌ ଯାଆନ୍ତୁ ନାହିଁ ।
- ଅଧିକ ଥର ଘରେ ସାବୁନ ବା ହ୍ୟାଣ୍ଡୱାସରେ ହାତକୁ ଧୁଅନ୍ତୁ ।
- କାଶ ହେବା କିମ୍ବା ଛିଙ୍କିବା ବେଳେ ରୁମାଲ ବା କନା ବ୍ୟବହାର କରନ୍ତୁ ।
- ଘରେ ସାମାନ୍ୟ ବ୍ୟାୟାମ, ପ୍ରାଣାୟାମ ଓ ଧ୍ୟାନ କରନ୍ତୁ ।
![]()
- ଆବଶ୍ୟକ ମୁତାବକ ଶୋଇବାକୁ ଚେଷ୍ଟା କରନ୍ତୁ ।
- ଗରମ ଖାଦ୍ୟ ଭୋଜନ କରନ୍ତୁ ଏବଂ ଲୁଣପାଣି ଉଷୁମ ଥିବା ସମୟରେ ଘଡ଼ଘଡ଼ି କରନ୍ତୁ ।
- ତଟକା ଫଳର ରସରେ ଜୁସ ପିଇବାକୁ ଚେଷ୍ଟା କରନ୍ତୁ ।
- ଭଲ ପୁସ୍ତକ ଅଧ୍ୟୟନରେ ସମୟ କରିବା ସହିତ ଟିଭି ଦେଖିବାକୁ ଚେଷ୍ଟା କରନ୍ତୁ ।
- ବାହାରୁ ଆସୁଥିବା କୌଣସି ବ୍ୟକ୍ତିଙ୍କ ନିକଟକୁ ନଯାଇ ଦୂରତା ରକ୍ଷା କରନ୍ତୁ ।
- ମୁହଁରେ ବାରମ୍ବାର ହାତ ସ୍ପର୍ଶ କରନ୍ତୁ ନାହିଁ ।
- ମୁହଁ କିମ୍ବା, ଆଖି, ନାକ ଓ ପାଟିକୁ ବାରମ୍ବାର ଛୁଅନ୍ତୁ ନାହିଁ ।
![]()
ଯଦି ଦୈନିକ ଔଷଧ ଖାଉଛନ୍ତି ତେବେ ଯଥା ସମୟରେ ସେବନ କରନ୍ତୁ ।- ବଗିଚାରେ ସକାଳ ସମୟରେ ବୁଲାବୁଲି କରିବା ଉଚିତ୍ ।
ଯଦି ଦୈନିକ ଔଷଧ ଖାଉଛନ୍ତି ତେବେ ଯଥା ସମୟରେ ସେବନ କରନ୍ତୁ ।ବରିଷ୍ଠ ବ୍ୟକ୍ତିମାନେ ଯଦି ଜ୍ୱର, ଥଣ୍ଡା, ଫ୍ଲୁ, କଫ ବା ନିଃଶ୍ୱାସ ପ୍ରଶ୍ୱାସରେ କଷ୍ଟ ଅନୁଭବ କରନ୍ତି ତେବେ ଡାକ୍ତରଙ୍କ ପରାମର୍ଶ ଗ୍ରହଣ କରି ଔଷଧ ସେବନ କରିବା ଉଚିତ ।