ବେକାବୁ କରୋନା, ଚୀନରେ ନେଲାଣି ୬୩୬ ମୁଣ୍ଡ

ବେଜିଂ: ମାରାତ୍ମକ କରୋନା ଭାଇରସ୍ ପ୍ରତିଦିନ ଚୀନରେ ପାଖାପାଖି ୫୦ ଜଣଙ୍କର ଜୀବନ ନେଉଛି । ଏହି ପ୍ରାଣଘାତୀ ଭୂତାଣୁ ବର୍ତ୍ତମାନ ସୁଦ୍ଧା ଚୀନରେ ୬୩୬ ଜଣଙ୍କର ମୁଣ୍ଡ ନେଲାଣି । ଆକ୍ରାନ୍ତ ସଂଖ୍ୟା ୩୧ ହଜାର ପାଖାପାଖି ପହଞ୍ଚିଲାଣି । ବିଶେଷ କରି ହୁଭେଇ ପ୍ରଦେଶରେ କରୋନାର ଲଗାମଛଡା ହେଉଛି । ଗତକାଲି ଚୀନରେ ୩ ହଜାର ୬୩୯ ନୂଆ ଆକ୍ରାନ୍ତଙ୍କ ନମୁନା ପରୀକ୍ଷା କରାଯାଇଛି । ସେଥି ଭିତରୁ କେବଳ ୨ ହଜାର ୯୮୭ ଜଣ ହୁଭେଇ ପ୍ରଦେଶର ବୋଲି ଜଣା ପଡିଛି । ସେହିପରି ଗତକାଲି ଚୀନରେ ମୃତ୍ୟୁବରଣ କରିଥିବା ୭୩ ଜଣଙ୍କ ଭିତରୁ କେବଳ ୭୦ଜଣ ହୁଭେଇରେ ଆଖି ବୁଜିଛନ୍ତି । ଏହି ଭାଇରସ୍ ଏହାରି ଭିତରେ ୩୧ଟି ଦେଶକୁ ବ୍ୟାପୀ ସାରିଲାଣି । ବିଭିନ୍ନ ଦେଶରେ ଚୀନ ଯାଇଥିବା ଓ ସେଠାରୁ ଫେରିଥିବା ଯାତ୍ରୀଙ୍କ ଉପରେ କଟକଣା ଜାରି କରିଛନ୍ତି । ସେହିପରି ଚୀନକୁ ବିଭିନ୍ନ ଦେଶରୁ ବନ୍ଦ ରହିଛି ବିମାନ ଉଡାଣ ଓ ଜାହାଜ ଚଳାଚଳ ।