କୋଭିଡ-୧୯; ୫ଦିନ ପରେ ଘରକୁ ଫେରିଲେ ଡାକ୍ତର, ଜାଣନ୍ତୁ କ’ଣ ଘଟିଲା ତାଙ୍କ ପରିବାର ସହ ?

ଭୋପାଳ: ୫ ଦିନ ପରେ ଘରକୁ ଫେରିଥିଲେ ଡାକ୍ତର ଦେହାରିଆ । ହେଲେ ଘର ଭିତରକୁ ଯିବା ପରିବର୍ତ୍ତେ ବାହାରୁ ହିଁ ହସ୍ପିଟାଲକୁ ଫେରିଯାଇଥିଲେ । ମଧ୍ୟପ୍ରଦେଶ ଭୋପାଳରେ ଏଭଳି ଏକ ଘଟଣା ଏବେ ଚର୍ଚ୍ଚା ସାଉଣ୍ଟିଛି ।

କରୋନାଭାଇରସ୍ ଆକ୍ରମଣର ଜବାବ ଦେବା ପାଇଁ ସାରା ଦେଶର ଡାକ୍ତରମାନେ ନିଜ ଜୀବନକୁ ବାଜି ଲଗେଇଦେନ୍ତି । ବିନା ବ୍ରେକରେ ଅନବରତ କାମ କରିଚାଲିଛନ୍ତି । ଏପରିକି ନିଜ ପରିବାର ସହ ବି ସେମାନେ କଥାବାର୍ତ୍ତ। ହୋଇପାରିନଥାନ୍ତି ।

ଭୋପାଳ ହସ୍ପିଟାଲ୍‌ର ମୁଖ୍ୟ ମେଡିକାଲ ଓ ହେଲଥ ଅଫିସର ଡା.ସୁଧୀର ଦେହାରିଆ । ସମସ୍ତ କରୋନା ସଂକ୍ରମିତଙ୍କ ଚିକିତ୍ସା କରୁଛନ୍ତି । ମୁଖ୍ୟ ମେଡିକାଲ ଅଫିସର ହୋଇଥିବାରୁ ଜିଲ୍ଲାର ସମସ୍ତ ଭାର ତାଙ୍କ ଉପରେ ନ୍ୟସ୍ତ ।

मिलिये डॉ. सुधीर डेहरिया से, जो भोपाल जिले के CMHO हैं। सोमवार को वो पाँच दिन बाद घर पहुंचे, घर के बाहर बैठ कर चाय पी, घर वालों का हाल चाल लिया और बाहर से ही अस्पताल वापस हो गए।

डॉक्टर डेहरिया और इन जैसे हज़ारों-लाखों #CoronaWarriors को मेरा शत-शत नमन। हमें आप पर गर्व है। ? pic.twitter.com/zAeOy5BavE

— Shivraj Singh Chouhan (@ChouhanShivraj) March 31, 2020

କରୋନା ବିରୋଧୀ ଲଢେଇରେ ଡା.ସୁଧୀର ଏତେ ବ୍ୟସ୍ତ ଥିଲେ ଯେ, ୫ଦିନ ପରେ ସେ ନିଜ ଘରକୁ ଫେରିଥିଲେ । ହେଲେ ନିଜ ଦାୟୀତ୍ୱବୋଧକୁ ବିଚାର କରି ଘର ଭିତରକୁ ନ ଯାଇ ମୁଖ୍ୟଦ୍ୱାର ଠାରୁ ୫ ଫୁଟ୍‌ ଦୂରରେ ବସିଥିଲେ । ବାହାରେ ବସି ଚା’ ପିଇଥିଲେ, ଘରର ହାଲଚାଲ ପଚାରି ପୁଣିଥରେ ଡାକ୍ତରଖାନାକୁ ଫେରିଯାଇଥିଲେ ।

ଏହି ଘଟଣା ଜଣାପଡିବା ପରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ଚୌହାନ୍ ଟୁଇଟ୍ ଜରିଆରେ ତାଙ୍କ ଦାୟୀତ୍ୱବୋଧ ମନୋଭାବକୁ ପ୍ରଶଂସା କରିଛନ୍ତି ।