ମାଲକାନଗିରି: ଗୁରୁପ୍ରିୟା ସେତୁରେ ଫାଟ । ମାଲକାନଗିରି ଜିଲ୍ଲାର ବିଚ୍ଛିନ୍ନାଂଚଳକୁ ସଂଯୋଗ କରୁଥିବା ଗୁରୁପ୍ରିୟା ସେତୁରେ ଫାଟ ସୃଷ୍ଟି ହୋଇଛି । ସେତୁର ୧୬ ନମ୍ବର ପିଲାରର ଉପର ଗାର୍ଡର ଅଚଳ ହୋଇପଡିଛି । ଗାର୍ଡରର ଯୋଡେଇ ସ୍ଥାନର କାମ ଆରମ୍ଭ ହୋଇଛି । ସେତୁ ଉପରେ ଭାରିଯାନ ଚଳାଳଚ ଯୋଗୁଁ ଫାଟ ସୃଷ୍ଟି ହୋଇଥିବା ଅନୁମାନ କରାଯାଉଛି । ପୂର୍ତ୍ତ ବିଭାଗ ପକ୍ଷରୁ ସେତୁ ଉପରେ ସୃଷ୍ଟି ହୋଇଥିବା ଫାଟର ମରାମତି କାମ ଆରମ୍ଭ ହୋଇଥିବା ସୂଚନା ମିଳିଛି ।
ସବୁଠାରୁ ବଡ କଥା ହେଉଛି ମାଲକାନଗିରିର ଲାଇଫ୍ ଲାଇନ୍ କୁହାଯାଉଥିବା ଗୁରୁପ୍ରିୟା ସେତୁର ଉଦ୍ଘାଟନର ଦୁଇ ବର୍ଷ ନ ପୁରୁଣ ଏଭଳି ମରାମତି କାମ ଆରମ୍ଭ ହୋଇଛି । ୧୮୭ କୋଟି ଟଙ୍କା ବ୍ୟୟ ଅଟକଳରେ ୨୦୧୮ ଜୁଲାଇ ୨୬ରେ ଏହି ସେତୁକୁ ନିର୍ମାଣ କରାଯାଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେତୁର ଉଦ୍ଘାଟନ କରିଥିଲେ । ଫଳରେ ବିଚ୍ଛିନ୍ନାଂଚଳକୁ ବାଟ ଫିଟିଥିଲା । ବିଚ୍ଛିନ୍ନାଂଚଳର ପ୍ରାୟ ୧୦ଟି ପଂଚାୟତକୁ ଏହି ସମ୍ପର୍କର ସେତୁ ଯୋଡୁଛି । ଏହି ସେତୁର ଲମ୍ବ ୯୧୦ ମିଟର ରହିଛି । ଏହି ସେତୁ ଦ୍ୱାରା ବିଚ୍ଛିନ୍ନାଂଚଳର ୧୫୧ଟି ଗାଁର ୨୦ ହଜାରରୁ ଅଧିକ ଲୋକ ଉପକୃତ ହୋଇଥିଲେ ।
Comments are closed.