ଟୋକିଓ: ଟୋକିଓ ଅଲିମ୍ପିକ୍ସର ତୀରନ୍ଦାଜ ମିକ୍ସଡ ଇଭେଂଟରେ ଭାରତୀୟ ଯୋଡି ଦୀପିକା କୁମାରୀ ଓ ପ୍ରବୀଣ ଯାଦବ ପ୍ରି-କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ଚାଇନିଜ ତାଇପେ ଯୋଡିଙ୍କୁ ୫-୩ରେ ପରାସ୍ତ କରିଥିଲେ । ପ୍ରଥମ ସେଟ ୩୫-୩୬ରେ ହାରିବା ପରେ ଦ୍ୱିତୀୟ ସେଟ ୩୮-୩୮ରେ ଡ୍ର ରହିଥିଲା । ତୃତୀୟ ସେଟରେ ଭାରତୀୟ ଯୋଡି ୪୦-୩୫ରେ ଜିତି ମୁକାବିଲାକୁ ୩-୩ ରୋମାଂଚକ ସ୍ଥିତିକୁ ଆଣି ଦେଇଥିଲେ । ଚତୁର୍ଥ ସେଟକୁ ଦୀପିକା-ଯାଦବ ୩୭-୩୬ରେ ଜିତିବା ସହ ପରବର୍ତୀ ରାଉଣ୍ଡରେ ପ୍ରବେଶ କରିଥିଲେ । କ୍ୱାର୍ଟର ଫାଇନାଲରେ ଭାରତୀୟ ଯୋଡି କୋରିଆକୁ ଭେଟିବ ।
ରୋଇଂ: ରୋଇଂରେ ଭାରତୀୟ ଯୋଡି ଅରବିନ୍ଦ ସିଂ ଓ ଅର୍ଜୁନ ଜାଟ ପୁରୁଷ ଡବଲ୍ସ ସ୍କଲ୍ସ ଲାଇଟଟେକ ହିଟରେ ପଂଚମ ସ୍ଥାନ ହାସଲ କରିଛନ୍ତି । ସାମାନ୍ୟ ତ୍ରୁଟି ଯୋଡି ଭାରତୀୟ ଯୋଡି ସେମିଫାଇନାଲରେ ପ୍ରବେଶ କରିପାରି ନ ଥିଲେ । ହିଟ୨ରେ ୬.୪୦.୩୩ ମିନିଟ ସମୟରେ ସେମାନେ ରେସ ସମ୍ପୂର୍ଣ୍ଣ କରିଥିଲେ । ଭାରତୀୟ ଯୋଡି ରେପଚେଜ ରାଉଣ୍ଡରେ ବ୍ରୋଞ୍ଜ ପଦକ ପାଇଁ ମୁକାବିଲାରେ ଅବତୀର୍ଣ୍ଣ ହେବେ ।
ଜୁଡୋରେ ଅଭିଯାନ ଶେଷ: ଜୁଡୋରେ ଭାରତର ପଦକ ଆଶା ଶେଷ ହୋଇଛି । ଏକମାତ୍ର ଜୁଡାକୋ ସୁଶୀଲା ଦେବୀ ରାଉଣ୍ଡ ଅଫ ୩୨ରେ ହଙ୍ଗେରୀର ଇଭା ସେର୍ନିବେଜକିଙ୍କ ନିକଟରୁ ସୁଶୀଲା ପରାଜିତ ହୋଇଥିଲେ ।
Comments are closed.