ନୂଆଦିଲ୍ଲୀ: ନାଗରିକତା ସଂଶୋଧନ ଆଇନ(ସିଏଏ) ନାଁରେ ଦିଲ୍ଲୀ ରାସ୍ତାରେ ତେଜିଥିବା ଆନ୍ଦୋଳନ ଥମିବାର ନାଁ ନେଉନି । ଗତ ତିନି ଦିନ ହେବ ଦିଲ୍ଲୀର କିଛି ଅଂଚଳରେ ହିଂସା ସୀମା ପାର ହୋଇଛି । ଯେଉଁଥିରେ ଏପର୍ଯ୍ୟନ୍ତ ୨୦ଜଣଙ୍କ ମୃତ୍ୟୁ ହୋଇସାରିଲାଣି । ବୁଧବାର ଦିନ ଦିଲ୍ଲୀର ଗୋକୁଲପୁରୀ ଅଂଚଳରେ ପ୍ରଦର୍ଶନ ଭୟାବହ ରୂପ ନେଇଛି । କିଛି ଦୁର୍ବୃତ୍ତ ଗୋଟିଏ ଦୋକାନରେ ନିଆଁ ଲଗାଇ ଦେଇଛନ୍ତି । ଏହା ମଧ୍ୟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦିଲ୍ଲୀର ହିଂସା ପ୍ରଭାବିତ ଅଂଚଳରେ ସେନା ମୁତୟନ କରିବାକୁ ଅପିଲ କରିଛନ୍ତି ।
I have been in touch wid large no of people whole nite. Situation alarming. Police, despite all its efforts, unable to control situation and instil confidence
Army shud be called in and curfew imposed in rest of affected areas immediately
Am writing to Hon’ble HM to this effect
— Arvind Kejriwal (@ArvindKejriwal) February 26, 2020
ଉତ୍ତର ପୂର୍ବ ଦିଲ୍ଲୀରେ ୧୫୦ରୁ ବି ଅଧିକ ଆହତ ଏବେ ମଧ୍ୟ ଚିକିତ୍ସାଧିନ ଅବସ୍ଥାରେ ଅଛନ୍ତି । ସିଏଏ ହିଂସାକୁ ନେଇ ଦିଲ୍ଲୀ ହାଇକୋର୍ଟ ରାତିଅଧିଆ ଶୁଣାଣି କରିଛନ୍ତି । ହିଂସାରେ ଆହତଙ୍କୁ ତୁରନ୍ତ ଉତ୍ତମ ଚିକିତ୍ସା ଯୋଗାଇବାକୁ ନିର୍ଦ୍ଦେଶ ଦେଇଛନ୍ତି ।