- ସୁରକ୍ଷିତ ରଖିବା ପାଇଁ ମନ୍ତ୍ରଣାଳୟର ନିର୍ଦ୍ଦେଶ
- ବାଂଲାଦେଶରେ ଏଭଳି ଧଳା ରଙ୍ଗର ମଇଁଷି ଅତ୍ୟନ୍ତ ବିରଳ
ଢାକା: ବାଂଲାଦେଶରେ ଏବେ ଏକ ଅଦ୍ଭୁତ ଘଟଣା ଚର୍ଚ୍ଚାର ବିଷୟ ପାଲଟିଛି। ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାମରେ ନାମିତ ଏବଂ ତାଙ୍କ ଭଳି କେଶ ଥିବା ଏକ ବିରଳ ଆଲବିନୋ (ଧଳା) ମଇଁଷିକୁ ବଳି ଦିଆଯିବା ପୁର୍ବରୁ ଶେଷ ମୁହୂର୍ତ୍ତରେ ବଞ୍ଚାଇ ଦିଆଯାଇଛି। ଇଦ୍-ଉଲ-ଅଜା ଅବସରରେ ଏହି ପ୍ରାଣୀଟିକୁ ବଳି ଦେବା ପାଇଁ ପ୍ରସ୍ତୁତି ସରିଥିବା ବେଳେ ବାଂଲାଦେଶ ସରକାର ହସ୍ତକ୍ଷେପ କରି ଏହାକୁ ସୁରକ୍ଷିତ ଭାବେ ଢାକାସ୍ଥିତ ଜାତୀୟ ଚିଡ଼ିଆଖାନାକୁ ସ୍ଥାନାନ୍ତରିତ କରିଛନ୍ତି।
ପ୍ରାୟ ୭୦୦ କେଜି ଓଜନର ଏହି ବିରଳ ମଇଁଷିର ମୁଣ୍ଡରେ ଥିବା ସୁନେଲି ରଙ୍ଗର କେଶ ଠିକ୍ ଡୋନାଲ୍ଡ ଟ୍ରମ୍ପଙ୍କ ହେୟାରଷ୍ଟାଇଲ୍ ସହ ମେଳ ଖାଉଥିଲା। ଏହି କାରଣରୁ ଫାର୍ମ ମାଲିକଙ୍କ ଭାଇ ଏହାର ନାମ ‘ଡୋନାଲ୍ଡ ଟ୍ରମ୍ପ’ ରଖିଥିଲେ। ସୋସିଆଲ ମିଡିଆରେ ଏହି ମଇଁଷି ଭିଡିଓ ଭାଇରାଲ ହେବା ପରେ ଲୋକଙ୍କ ଭିଡ଼ ଜମିଥିଲା ଏବଂ ଏହା ଏକ ‘ଇଣ୍ଟରନେଟ୍ ସେନ୍ସେସନ୍’ ପାଲଟିଯାଇଥିଲା।
Comments are closed.