ବଲାଙ୍ଗିର: କରୋନା ଆକ୍ରାନ୍ତଙ୍କ ଜନ୍ମଦିନ ପାଳିଲେ ଡାକ୍ତର ଓ ସ୍ୱାସ୍ଥ୍ୟକର୍ମୀ । ବଲାଙ୍ଗିର ସ୍ଥିତ କିମ୍ସ କୋଭିଡ୍ ହସ୍ପିଟାଲରୁ ଏମିତି ଚିତ୍ର ସାମନାକୁ ଆସିଛି । ଜଣେ ୯୩ ବର୍ଷୀୟ କରୋନା ସଂକ୍ରମିତ ବୃଦ୍ଧଙ୍କର ଜନ୍ମଦିନ ପାଳନ କରିଛନ୍ତି ଡାକ୍ତର । ଏଥିପାଇଁ ତାଙ୍କ ବେଡ୍ ପାଖରେ ସ୍ୱତନ୍ତ୍ର ଭାବରେ ସାଜସଜ୍ଜା ହୋଇଥିଲା । ହାପି ବର୍ଡ ଡେ ଲେଖାଥିବା କାର୍ଡ ଲାଗିଥିଲା । ବେଲୁନ୍ ବି ଲଗାଇଥିଲେ ଡାକ୍ତର ଓ କର୍ମଚାରୀ । ଏହାସହ କେକ୍ କାଟି ଜନ୍ମଦିନ ପାଳନ କରିଛନ୍ତି ବୃଦ୍ଧ ।
କିମ୍ସ କୋଭିଡ୍ ହସ୍ପିଟାଲ ଆଇସିୟୁରେ ରଖି ଚିକିତ୍ସିତ ହେଉଛନ୍ତି ୯୩ ବର୍ଷୀୟ ବୃଦ୍ଧ । ତାଙ୍କ ମନୋବଳ ବଢ଼ାଇବା ପାଇଁ ଡାକ୍ତର ଓ କର୍ମଚାରୀ ଏଭଳି ଜନ୍ମଦିନ ପାଳନ କରିଛନ୍ତି । ତାଙ୍କର ଦ୍ରୁତ ଆରୋଗ୍ୟ କାମନା ବି କରିଛନ୍ତି ସମସ୍ତେ ।
Comments are closed.