ଭୁବନେଶ୍ୱର: ବହୁ ଦ୍ୱଦ୍ୱ ଓ ଆଶଙ୍କା ମଧ୍ୟରେ ଥିବା ଓଡ଼ିଆ ସ୍ପି୍ରଣ୍ଟ କୁଇନ୍ ଦୂତୀ ଚାନ୍ଦଙ୍କ ଦୋହା ବିଶ୍ୱ ଚାମ୍ପିୟନସିପରେ ଅଂଶଗ୍ରହଣ କରିବା ନିଷ୍ପତ୍ତି ଆଜି ଚୂଡ଼ାନ୍ତ କରିଛି ଆଥଲେଟିକ୍ସ ପେଡେ଼ରେସନ ଅଫ ଇଣ୍ଡିଆ (ଏଏଫଆଇ) । ଦୌଡ଼ରାଣୀ ଦୂତି ଚାନ୍ଦ ଦୋହା ବିଶ୍ୱ ଚାମ୍ପିୟନସିପରେ ଭାଗ ନେବା ନିଶ୍ଚିତ ହେଲା । ଏହି ଖୁସି ଖବର ସମଗ୍ର ଓଡ଼ିଶାର କ୍ରୀଡ଼ାପ୍ରେମୀଙ୍କୁ ଉଲ୍ଲସିତ କରିପାରିଛି । ଏହି ସମ୍ମାନଜନକ ଦୌଡ଼କୁଦ ପ୍ରତିଯୋଗିତା କାତାରର ଦୋହାଠାରେ ଆସନ୍ତା ସେପ୍ଟେମ୍ବର ୨୭ ତାରିଖରେ ଅନୁଷ୍ଠିତ ହେବାକୁ ଯାଉଛିି ।
ଏସମ୍ପର୍କରେ ଏଏଫଆଇ କର୍ତ୍ତୃପକ୍ଷ ସୂଚନାଦେଇ କହିଛନ୍ତି ଯେ, ଦୂତୀ ୧୦୦ ମିଟର ଦୌଡ଼ ପ୍ରତିଯୋଗିତାରେ ପ୍ରତିଦ୍ୱନ୍ଦ୍ୱିତା କରିବେ ।
Participation of @DuteeChand is confirmed yesterday late evening by AFI to IAAF in Women’s 100m #DohaWorldChampionships #doha2019 @g_rajaraman @sportsmurali @nitinarya99 @Media_SAI @uthraGC @Padmadeo @siwachvinay @AkashvaniAIR @BhutaniRahul @timesofindia @TimesNow @Vimalsports pic.twitter.com/sN47uPP7zp
— Athletics Federation of India (@afiindia) September 12, 2019
ସୋମବାର ଦିନ (ସେପ୍ଟେମ୍ବର ୯) ଆଇଏଏଫ ଚୟନ କମିଟି ଏକ ୨୫ ଜଣିଆ ଜାତୀୟ ଦଳ ଘୋଷଣା କରିଛନ୍ତି । ଏଥିରେ ସମୁଦାୟ ୧୬ ଜଣ ପୁରୁଷ ଆଥଲେଟ ଏବଂ ୯ ଜଣ ମହିଳା ଆଥଲେଟ ଅଂଶଗ୍ରହଣ କରିବେ । ଏହି ପ୍ରତିଯୋଗିତା ଦୋହାଠାରେ ସେପ୍ଟେମ୍ବର ୨୭ରୁ ଅକ୍ଟୋବର ୬ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଯାଉଛି । ଦୂତି ଚାନ୍ଦ ୧୦୦ ମିଟର ସ୍ପ୍ରଣ୍ଟରେ ଭାଗ ନେଉଥିବା ବେଳେ ଅର୍ଚ୍ଚନା ସୁସିନ୍ତ୍ରାନ ୨୦୦ ମିଟର ମହିଳା ଦୌଡ଼ରେ ପ୍ରତିଦ୍ୱନ୍ଦ୍ୱିତା କରିବେ ।
I am selected in the 25-member national team for #DohaWorldChampionships, starting September 27. Wish me luck and SPEED! ???
— Dutee Chand (@DuteeChand) September 10, 2019
ଦୂତି ଏହି ପ୍ରତିଯୋଗିତାରେ ଅଂଶଗ୍ରହଣ କରିବା ନେଇ ଟ୍ୱିଟ୍ ମାଧ୍ୟମରେ ସୂଚନା ଦେଇଥିଲେ ମଧ୍ୟ ଏଏଫଆଇ ବହୁ ପରେ ଏହା ଘୋଷଣା କରିଥିଲେ ।