ନକଲି ଆକ୍ୱାଗାର୍ଡ କାରଖାନା ଠାବ

କଟକ: ନକଲି ତେଲ, ଘିଅ, ମସଲା,ସସ୍‌, ଡିଟରଜେଣ୍ଟ, ଜର୍ଦ୍ଦା କାରଖାନା ଠାବ ହେବା ପରେ ଏବେ ନକଲି ଆକ୍ୱାଗାର୍ଡ କାରଖାନା ଠାବ କରିଛି ପୋଲିସ । କଟକ ବାଦାମବାଡ଼ିର ଜଗନ୍ନାଥ ଲେନ୍‌ରେ ଦୀର୍ଘ ଦିନରୁ ଚାଲିଥିବା ଏହି କାରଖାନାରୁ ନକଲି ଆକ୍ୱାଗାର୍ଡ ସହ ନକଲି ଯନ୍ତ୍ରାଂଶ ଜବତ କରିଛି । କୌଣସି ସୂତ୍ରରୁ ଖବର ପାଇ ବାଦାମବାଡ଼ି ପୋଲିସ ଓ ସ୍ପେଶାଲ ସ୍କ୍ୱାର୍ଡ ଟିମ୍ ଆଜି ସକାଳେ ଏହି ନକଲି ଆକ୍ୱାଗାର୍ଡ କମ୍ପାନୀରେ ଚଢ଼ାଉ କରିଥିଲା । ଏଠାରେ ନାମାଦାମୀ କମ୍ପାନୀର ଲୋଗୋକୁ ଲଗାଇ ଆକ୍ୱାଗାର୍ଡ ବିକ୍ରି କରାଯାଉଥିଲା । ଏହି ଘଟଣାରେ ପୋଲିସ କାହାକୁ ଗିରଫ କରି ନ ଥିବା ବେଳେ ଅଧିକ ତଦନ୍ତ ଚଳାଇଛି ।