ଫିଟ୍ ରହିବା ପାଇଁ ଶୀତଦିନେ ଖାଆନ୍ତୁ ଅଦା ହାଲୁଆ, ଜାଣନ୍ତୁ କିପରି କରିବେ ପ୍ରସ୍ତୁତି

ଭୁବନେଶ୍ଵର: ଆସିଛି ଶୀତ ଋତୁ । ଶୀତ ସହ ଥଣ୍ଡା, ଜ୍ଵର ଓ କାଶ ଭଳି ରୋଗର ଆଶଙ୍କ ମଧ୍ୟ ବଢିବାରେ ଲାଗିଛି । ଏହି ଶୀତ ଋତୁରେ ହେଉଥିବା ବିଭିନ୍ନ ସ୍ଵାସ୍ଥ୍ୟଗତ ସମସ୍ୟାରୁ ରକ୍ଷା ପାଇବା ପାଇଁ ଲୋକମାନେ ଅନେକ ପ୍ରକାର ଉପଚାର କରିଥାନ୍ତି । ବିଭିନ୍ନ ପ୍ରକାର ଔଷଧ ସହ ଅନେକ ଗରମା ଗରମ ଖାଦ୍ୟ ମଧ୍ୟ ଖାଇଥାନ୍ତି । ତେବେ ଆଜି ଆମେ ଆପଣଙ୍କୁ ଏକ ଏପରି ଖାଦ୍ୟ ବିଷୟରେ କହିବୁ ଯାହାକୁ ଆପଣ ଏହି ଶୀତଋତୁରେ ପ୍ରସ୍ତୁତ କରି ଖାଇପାରିବେ । ଅଦାରେ ତିଆରି ଏହି ଖାଦ୍ୟ ଆପଣଙ୍କୁ ସ୍ଵାଦିଷ୍ଟ ଲାଗିବା ସହିତ ଆପଣଙ୍କ ସ୍ଵାସ୍ଥ୍ୟ ପାଇଁ ମଧ୍ୟ ହିତକର ହେବ । ଯଦି ଆପଣ ଏହି ଶୀତରେ ନିଜକୁ ସମସ୍ତ ପ୍ରକାରର ରୋଗରୁ ରକ୍ଷା କରିବାକୁ ଚାହୁଁଛନ୍ତି ଏବଂ ଆପଣଙ୍କର ରୋଗ ପ୍ରତିରୋଧକ ଶକ୍ତି ବଢାଇବାକୁ ଚାହୁଁଛନ୍ତି, ତେବେ ନିଶ୍ଚିତ ଭାବରେ ଏହାକୁ ଖାଆନ୍ତୁ । ଅଦା ଓ ଗୁଡରେ ପ୍ରସ୍ତୁତ ଏହି ଖାଦ୍ୟକୁ ପିଲାମାନଙ୍କ ଠାରୁ ବୟସ୍କଙ୍କ ପର୍ଯ୍ୟନ୍ତ ସମସ୍ତେ ଖାଇପାରିବେ । ତେବେ ଜାଣନ୍ତୁ ଏହାକୁ ପ୍ରସ୍ତୁତ କରିବାର ସହଜ ରେସିପି…

ଆବଶ୍ୟକୀୟ ସାମଗ୍ରୀ

• ଅଦା – ୫୦୦ ଗ୍ରାମ
• ଗୁଡ- ୧ କପ୍
• ବାଦାମ- ୧/୨ କପ୍
• କାଜୁ – ୨ କପ୍
• କିସମିସ୍- ୨୦
• ଘିଅ- ୨ ଚାମଚ
• ଅଖରୋଟ- ୧/୪ କପ୍

ରେସିପି

• ସର୍ବପ୍ରଥମେ, ଅଦାକୁ ଛାଣି ଦିଅନ୍ତୁ, ଏହାକୁ ଭଲଭାବେ କାଟି ଭଲଭାବରେ ଗ୍ରାଇଣ୍ଡିଙ୍ଗ କରି ଏକ ମୋଟା ପେଷ୍ଟ ପ୍ରସ୍ତୁତ କରନ୍ତୁ ।
• ବର୍ତ୍ତମାନ ଗ୍ରାଇଣ୍ଡରରେ କାଜୁ, ଅଖରୋଟ ଓ ବାଦାମ ମିଶାଇ ବିନା ପାଣିରେ ଏକ ଶୁଖିଲା ଗୁଣ୍ଡ ପ୍ରସ୍ତୁ କରନ୍ତୁ ।
• ବର୍ତ୍ତମାନ ଏକ ପ୍ୟାନ ନେଇ ସେଥିରେ ଘିଅ ପକାଇ ଗରମ କରନ୍ତୁ
• ଯେତେବେଳେ ଘିଅ ଗରମ ହୋଇଯିବ, ସେଥିରେ ଅଦା ମିଶ୍ରଣ ମିଶାଇ ଭଲ ଭାବରେ ମିଶାନ୍ତୁ
• ଏହି ମିଶ୍ରଣକୁ ପ୍ରାୟ ୧୫ ମିନିଟ୍ ପର୍ଯ୍ୟନ୍ତ ଅଦାର ରଙ୍ଗ ବଦଳିବା ପର୍ଯ୍ୟନ୍ତ ଭଲ ଭାବରେ ଭାଜନ୍ତୁ
• ବର୍ତ୍ତମାନ ଏଥିରେ ଗୁଡ ମିଶାଇ ଗୁଡ ଭଲଭାବରେ ତରଳି ଅଦାରେ ମିଶିବା ପର୍ଯ୍ୟନ୍ତ ଭାଜନ୍ତୁ
• ଏହା ପରେ ଏଥିରେ କିସମିସ୍ ଏବଂ ଗ୍ରାଇଣ୍ଡିଙ୍ଗ ହୋଇଥିବା ଡ୍ରାଏ ଫ୍ରୁଟସ୍ କୁ ମିଶାଇ ହାଲୁଆ ବହଳିଆ ହେବା ପର୍ଯ୍ୟନ୍ତ ରାନ୍ଧନ୍ତୁ
• ବର୍ତ୍ତମାନ ହାଲୱା ପ୍ରସ୍ତୁତ । ଏକ ପ୍ଲେଟରେ ଏହାକୁ ବାହାର କରି ଉପରେ କିଛି ବାଦାମ ପକାଇ ଗରମାଗରମ ଖାଆନ୍ତୁ ।