ସୁନ୍ଦରଗଡ: ରାଉରକେଲା ସରକାରୀ ଡାକ୍ତରଖାନା (ଆରଜିଏଚ୍) ନିକଟରେ ନକଲି ରୋଗୀ ଓ ଡାକ୍ତରଙ୍କୁ ନେଇ ଏକାଧିକ ଅଭାବନୀୟ ଘଟଣାକୁ ନେଇ ଚର୍ଚ୍ଚାର ବିଷୟ ପାଲଟିଛି। ସଦ୍ୟତମ ଘଟଣାରେ ଜଣେ ମହିଳା ଜଣେ ଷ୍ଟାଫ୍ ନର୍ସ ପରିଚୟ ଦେଇ ତିନି ବର୍ଷ ଧରି ଡାକ୍ତରଖାନାରେ କାମ କରିଥିବା ଅଭିଯୋଗ ହୋଇଛି।
ପରିଚୟ ମିଳିନଥିବା ଏହି ମହିଳା ଜଣକ ନିଜ କାର୍ଯ୍ୟକାଳ ମଧ୍ୟରେ ହସ୍ପିଟାଲର ବିଭିନ୍ନ ୱାର୍ଡରେ କାମ କରୁଥିଲେ। ଡାକ୍ତରଖାନା କର୍ତ୍ତୃପକ୍ଷ ତାଙ୍କ ମିଥ୍ୟା ପରିଚୟ ବିଷୟରେ ଜାଣିବା ପରେ ତାଙ୍କ ବିରୋଧରେ ପୁଲିସରେ ଅଭିଯୋଗ କରିଥିଲେ। ମହିଳା ଜଣକ ଏବେ ଫେରାର ଅଛନ୍ତି।
ଘଟଣାର ଜବାବରେ ଆରଜିଏଚ୍ ଅଧୀକ୍ଷକ ଡାକ୍ତର ଜେପି ଦାସ କହିଛନ୍ତି, ଆମ ହସ୍ପିଟାଲରେ ୧୫୦ରୁ ୧୭୦ ଜଣ ଷ୍ଟାଫ୍ ନର୍ସ କାମ କରୁଛନ୍ତି। ଏହାବ୍ୟତୀତ ନର୍ସିଂ, ଲାବୋରେଟୋରି ଓ ଟେକ୍ନିସିଆନ୍ ଛାତ୍ରଛାତ୍ରୀ ମାନେ ଆମ ଡାକ୍ତରଖାନାକୁ ଆସୁଛନ୍ତି। ଏଭଳି ପରିସ୍ଥିତିକୁ ଦୃଷ୍ଟିରେ ରଖି ବ୍ୟକ୍ତିଗତ ଭାବେ ସମସ୍ତଙ୍କୁ ଚିହ୍ନିବା ପ୍ରାୟ ଅସମ୍ଭବ। ମୁଁ ଜାଣିବାକୁ ପାଇଲି ଯେ ସେ ୨୦୨୦ ରୁ ଆମ ଡାକ୍ତରଖାନାକୁ ବାରମ୍ବାର ଆସୁଛନ୍ତି। ତେବେ ପରିଚୟ ମିଳିବା ପରେ ସେ ତାଙ୍କ ଗସ୍ତ ବନ୍ଦ କରିଦେଇଥିଲେ। ଏ ନେଇ ମୁଁ ରଘୁନାଥପାଲି ଥାନାରେ ଅଭିଯୋଗ କରିଛି।
ଇତିମଧ୍ୟରେ ହସ୍ପିଟାଲରେ ଥିବା ସମୟରେ ତାଙ୍କ ଗତିବିଧି ସମ୍ପର୍କରେ ଜାଣିବା ପାଇଁ ହସ୍ପିଟାଲ କର୍ତ୍ତୃପକ୍ଷ ସିସିଟିଭି ଫୁଟେଜ୍ ର ସମୀକ୍ଷା ଆରମ୍ଭ କରିଛନ୍ତି।