କଟକ: ଓଲିଉଡ୍ର ବହୁ ଚର୍ଚ୍ଚିତ ଷ୍ଟାର ଦମ୍ପତି ଅନୁଭବ ଓ ବର୍ଷା ପ୍ରିୟଦର୍ଶିନୀ ଛାଡପତ୍ର ମାମଲା । ବହୁ ବାଦବିବାଦ ପରେ ଶେଷରେ ୧୦ ବର୍ଷର ସମ୍ପର୍କରେ ପଡିଲା ପୂର୍ଣ୍ଣଚ୍ଛେଦ । ଏନେଇ ନିଜେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ପୋଷ୍ଟ କରି ସୂଚନା ଦେଇଛନ୍ତି ଅନୁଭବ ମହାନ୍ତି । ପତ୍ନୀ ବର୍ଷା ପ୍ରିୟଦର୍ଶୀନିଙ୍କ ଠାରୁ ଛାଡପତ୍ର ପାଇଁ କୋର୍ଟଙ୍କ ମଞ୍ଜୁରୀ ମିଳିଛି ।
ତେବେ ଆଜି ଉଭୟଙ୍କ ବିବାହକୁ ୧୦ ବର୍ଷ ପୁରୁଥିବାବେଳେ, ବିବାହର ୧୦ ବର୍ଷ ପୂର୍ତ୍ତି ଆଗରୁ ଏହି ବିବାହ ବିଚ୍ଛେଦ ହୋଇଥିବା ଅନୁଭବ ପୋଷ୍ଟରେ ଲେଖିଛନ୍ତି । ତେବେ ଏହାକୁ ୧୦ ବର୍ଷର ଅର୍ଥହୀନ, ହୃଦୟହୀନ, ଯନ୍ତ୍ରଣାଦାୟକ ଏବଂ ମିଥ୍ୟା ବିବାହ ସମ୍ପର୍କ ବୋଲି ଅନୁଭବ ଉଲ୍ଲେଖ କରିଛନ୍ତି । ମିଛ ବିବାହର ଯନ୍ତ୍ରଣାରୁ ଏବେ ମୁକ୍ତି ମିଳିଛି । ମୋ ପାଇଁ ଏବଂ ମୋ ପରିବାର ପାଇଁ ପ୍ରାର୍ଥନା କରିଥିବା ସମସ୍ତଙ୍କୁ ଧନ୍ୟବାଦ ଦେଉଛି । ଏହାସହ ବର୍ଷାଙ୍କ ଖୁସି ପାଇଁ ପ୍ରାର୍ଥନା କରିଛନ୍ତି ଅନୁଭବ ।
Thanks all who prayed for me & my family’s peace🙏🏻
Got my decree of divorce today, which is just a day before the completion of 10 worthless/meaningless/heartless/painful & above all, false marital years of my false marriage! I pray for her happiness.
No Offence.#HappyRoseDay pic.twitter.com/EAEH5IY8qm— Anubhav Mohanty (@AnubhavMohanty_) February 7, 2024
ତେବେ ଫେବୃୟାରୀ ୮ ତାରିଖ ୨୦୧୪ ମସିହାରେ ବିବାହ ବନ୍ଧନରେ ବାନ୍ଧି ହୋଇଥିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଓ ଅଭିନେତା ତଥା ସାଂସଦ ଅନୁଭବ ମହାନ୍ତି । ଗତ କିଛି ବର୍ଷ ଧରି ଉଭୟଙ୍କ ବିବାହ ବିଚ୍ଛେଦ ମାମଲା ବେଶ୍ ଚର୍ଚ୍ଚାରେ ରହିଥିଲା ଯାହାର ଆଜି ଅନ୍ତ ଘଟିଛି ।