ରାୟଗଡା ଜିଲ୍ଲାରେ ପାରିବାରିକ କଳହ ନେଲା ଜୀବନ । ବାହାଘରର କେତଟା ବର୍ଷ ନପୁରୁଣୁ ଆଖି ବୁଝିଛି ଝିଅ । ଶାଶୂଘର ଲୋକେ ଆତ୍ମହତ୍ୟା କହୁଥିବା ବେଳେ ବାପଘର ଲୋକେ ହତ୍ୟା ଅଭିଯୋଗ ଆଣିଛନ୍ତି । ପୋଲିସ ଘଟଣାର ତଦନ୍ତ କରି ଅଭିଯୁକ୍ତଙ୍କୁ ଅଟକ ରଖି ତଦନ୍ତ ଜାରି ରଖିଛି ।
ରାୟଗଡା ଜିଲ୍ଲା ବିଷମକଟକ ଥାନା ଚାଞ୍ଚରାଗୁଡା ମାଠିଆ ସାହିରେ ଘଟିଥିବା ଘଟଣା ସମସ୍ତଙ୍କୁ ଦୋହଲାଇ ଦେଇଛି । ଚନ୍ଦ୍ରପୁର ଥାନା କାର୍ଡପାଙ୍ଗା ଗାଁର ସନ୍ତୋଷ ବ୍ରେକବାଡାଙ୍କ ଝିଅ ଅନୁ ବ୍ରେକବାଡା ୫ ବର୍ଷ ପୂର୍ବେ ଚଞ୍ଚାଡାଗୁଡା ଗାଁର ମକର କାଡ୍ରାକାଙ୍କୁ ବିବାହ କରିଥିଲେ । ବିବାହର କିଛିଦିନ ଯାଏଁ ସବୁକିଛି ଠିକ ଚାଲିଥିଲା । ହେଲେ ଏହା ପରେ ମକର ବାରମ୍ବାର ନିର୍ଯାତନା ଦେବା ଆରମ୍ଭ କରିଥିଲେ । ଏ ବାବଦରେ ଅନୁ ନିଜ ବାପଘରେ ଏହି କଥା କହିଥିଲା । ତଥାପି ଶାଶୂଘରେ ସମସ୍ତଙ୍କ ମନ ନେଇ ଚଳିବାକୁ ଅନୁଙ୍କ ପିତା କହିଥିଲେ । କିଛିଦିନ ଠିକ ଚାଲିବା ପରେ ହଠାତ ଅନୁ ବ୍ରେକବାଡାଙ୍କ ଦେହ ଅସୁସ୍ଥ ଥିବା କଥା ସ୍ୱାମୀ ମକର ତାଙ୍କ ପରିବାରଲୋକଙ୍କୁ କହିଥିଲେ । ଆଉ ଅସୁସ୍ଥ ଥିବାରୁ ତାଙ୍କୁ ବିଷମକଟକ ମେଡିକାଲରେ ସ୍ୱାମୀ ମକର କାଡ୍ରାକା ଭର୍ତ୍ତି କରିଥିଲେ । ଚିକିତ୍ସାଧୀନ ଥିବା ବେଳେ ତାଙ୍କର ମୃତ୍ୟୁ ହୋଇଥିଲା । ଅନୁଙ୍କ ମୃତ୍ୟୁ ଖବର ପାଇବା ପରେ ଝିଅ ଅନୁଙ୍କୁ ତାଙ୍କ ଶାଶୂଘର ଲୋକେ ହତ୍ୟା କରିଛନ୍ତି ବୋଲି ତାଙ୍କ ବାପା ଅଭିଯୋଗ କରିଛନ୍ତି । ଏହାପରେ ପୋଲିସ ମୃତଦେହକୁ ବ୍ୟବଛେଦ ପାଇଁ ପଠାଇବା ସହ ଏହି ଘଟଣାରେ ସ୍ୱାମୀ ମକରକୁ ଅଟକ ରଖିଛି । ସେପଟେ ବିଷମକ କଟକ ଏସଡିପିଓ ସମେତ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରି ଫେରି ଆସିଥିବା ସୂଚନା ମିଳିଛି ।
Comments are closed.