ରାଞ୍ଚି: ଜମି ଦୁର୍ନୀତି ମାମଲାରେ ଗିରଫ ହୋଇଥିବା ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଗୋଟିଏ ଦିନ ପାଇଁ ରାଞ୍ଚିର ବିର୍ସା ମୁଣ୍ଡା ସେଣ୍ଟ୍ରାଲ ଜେଲରେ ରଖାଯାଇଥିଲା । ଜମି ଦୁର୍ନୀତି ମାମଲାରେ ଗିରଫ ହୋଇଥିବା ହେମନ୍ତ ସୋରେନଙ୍କୁ ଗତକାଲି ରାତି ବିର୍ସା ମୁଣ୍ଡା ସେଣ୍ଟ୍ରାଲ ଜେଲରେ କାଟିବାକୁ ପଡିଥିଲା । ହେମନ୍ତ ସୋରେନଙ୍କୁ ବିର୍ସା ମୁଣ୍ଡା ସେଣ୍ଟ୍ରାଲ ଜେଲର ଉପର ଡିଭିଜନ ସେଲରେ ରଖାଯାଇଥିଲା । ଏହି ସମୟରେ ହେମନ୍ତ ମାନସିକ ଚାପରେ ଥିବା ଜଣାପଡୁଥିଲା ।
ସୂଚନାଯୋଗ୍ୟ ଯେ, ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (PMLA) କୋର୍ଟ ଗତକାଲି ଇଡି ଦ୍ୱାରା ଗିରଫ ହୋଇଥିବା ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଗୋଟେ ଦିନ ପାଇଁ ଜେଲ ପଠାଇଥିଲେ । ଜେଲ୍ର କତୃପକ୍ଷଙ୍କ କହିବା ଅନୁସାରେ,ଗତକାଲି ରାତିରେ ହେମନ୍ତ ସୋରେନ୍ ଅତ୍ୟନ୍ତ ମାନସିକ ଚାପରେ ଥିବା ପରି ଜଣାପଡୁଥିଲେ । ସେ ରାତିସାରା ନ ଶୋଇ ଏପଟ ସେପଟ ହେଉଥିଲେ । ଜେଲ ପ୍ରଶାସନ ତରଫରୁ ତାଙ୍କୁ ରାତ୍ରି ଭୋଜନ ପାଇଁ କ୍ଷୀର, ରୁଟି ଏବଂ ଆଳୁ-ଫୁଲକୋବି ତରକାରୀ ଦିଆ ଯାଇଥିଲା | ଜେଲରେ ପହଞ୍ଚିବା ପରେ ହେମନ୍ତ ସୋରେନ ଜେଲ ଅଧିକାରୀଙ୍କୁ କହିଥିଲେ ଯେ ସେ ଜଣେ ସାଧାରଣ କଏଦୀଙ୍କ ପରି ବଞ୍ଚିବେ।
ହେମନ୍ତ ସୋରେନ ରହୁଥିବା ସେଲରେ ସଂଲଗ୍ନ ବାଥରୁମ, ରୋଷେଇ ଘର ଏବଂ ଅନ୍ୟାନ୍ୟ ବ୍ୟବସ୍ଥା କରାଯାଇଥିଲା | ତାଙ୍କ କୋଠରୀରେ ଜଣେ ଅର୍ଡଲିମଧ୍ୟ ଥିଲା | ତେବେ ମନି ଲଣ୍ଡେରିଂ ମାମଲାରେ ଇଡି ହେମନ୍ତ ସୋରେନଙ୍କୁ ୧୦ ଦିନିଆ ରିମାଣ୍ଡରେ ନେବାକୁ ଆବେଦନ କରିଛି । ଏନେଇ ଆଜି ମାନ୍ୟବର କୋର୍ଟ ଶୁଣାଣି କରିବେ । ସେପଟେ ହେମନ୍ତଙ୍କ ଓକିଲ ଏନେଇ କହିଛନ୍ତି ଯେ, ଭିତ୍ତିହୀନ କାରଣକୁ ନେଇ ଏସବୁ ହୋଇଛି । ସରକାରଙ୍କୁ ଗାଦିରୁ ହଟାଇବା ପାଇଁ ଏହା ବିରୋଧି ଦଳଙ୍କର ଏକ ଷଡଯନ୍ତ୍ର । ଏହି ଘଟଣାରେ ପୂର୍ବତନ ମୁଖ୍ୟମନ୍ତ୍ରୀଙ୍କ ବିରୋଧରେ କୌଣସି ପ୍ରମାଣ ନାହିଁ । ଅର୍ଥ ହେରଫେର ମାମଲାରେ ସାତ ଘଣ୍ଟା ପଚରାଉଚରା ପରେ ହେମାଣ୍ଟ ସୋରେନଙ୍କୁ ବୁଧବାର ରାତିରେ ଇଡି ଗିରଫ କରିଥିଲା। ଏହାପୂର୍ବରୁ ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ।