କଟକ: ଅବସରପ୍ରାପ୍ତ ଆଇପିଏସ୍ ଅଧିକାରୀ ସୁରେନ୍ଦ୍ର ନାଥ ସ୍ୱାଇଁ ଙ୍କ ଦେହାନ୍ତ ଘଟିଛି । ମୃତ୍ୟୁ ସମୟରେ ତାଙ୍କୁ ୭୬ବର୍ଷ ବୟସ ହୋଇଥିଲା ।
ଡିସେମ୍ବର ୧୯୮୧ରେ ଓଡିଶା ପୋଲିସ୍ ଫୋର୍ସରେ ଯୋଗ ଦେଇଥିବା ଜଣେ କ୍ରିୟାଶୀଳ ଅଧିକାରୀ ଥିଲେ ଶ୍ରୀ ସୁରେନ୍ଦ୍ର ।
ରେଭେନ୍ସା କଲେଜରୁ ସ୍ନାତକ ଏବଂ ଦିଲ୍ଲୀ ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ସ୍ନାତକୋତ୍ତର ସେ କରିଥିଲେ ।
୧୯୯୪ରେ ଓଡିଶା ଡିଆଇଜି ପଦରେ ସେ ନିଯୁକ୍ତି ପାଇଥିଲେ । ତା ଛଡା ସେ ଭିଜିଲାନ୍ସ କଟକ, କ୍ରୀଡା ଏବଂ YS ଡିପାର୍ଟମେଣ୍ଟ ଆଣ୍ଡ ଟେକ୍ କଟକ ଭଳି ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଥିଲେ।
ସେ ଏପ୍ରିଲ୍ ୨୦୦୧ରେ ଆଇଜିପି ପଦ ପାଇଁ ପଦୋନ୍ନତି ପାଇଥିଲେ ଏବଂ ୨୦୦୪ରେ ଅବସର ନେବା ପୂର୍ବରୁ ଓଡିଶାର ପ୍ରିଣ୍ଟିଂ ଷ୍ଟେସନାରୀ ଏବଂ ପ୍ରକାଶନର ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ।