ଭୁବନେଶ୍ୱର: ଗଞ୍ଜାମ ଜିଲ୍ଲାରେ କରୋନା ସ୍ଥିତି ସାଂଘାତିକ ହେଉଛି । ଗତ ୪୮ ଘଣ୍ଟା ଭିତରେ ପ୍ରାୟ ୫ ଶହ ନୂଆ ଆକ୍ରାନ୍ତ ଚିହ୍ନଟ ହେଲେଣି । ମୁକାବିଲା ପାଇଁ ଗଞ୍ଜାମ ଯାଇଛନ୍ତି ଚାରି ଜଣ ପୋଲିସ ଅଧିକାରୀ । ଚାରି ଜଣ ଯୁବ ଡିଏସପିଙ୍କୁ ପଠାଯାଇଥିବା ଟ୍ୱିଟ୍ କରି ସୂଚନା ଦେଇଛନ୍ତି ପୋଲିସ ଡିଜି ଅଭୟ । ସେମାନେ ଆଜି କାର୍ୟ୍ୟରେ ଯୋଗ ଦେଇଛନ୍ତି । ତାସହ ଅଧିକ ଚାରି ପ୍ଲାଟୁନ୍ ପୋଲିସ ଫୋର୍ସ ମଧ୍ୟ ଗଞ୍ଜାମ ଜିଲ୍ଲାରେ ମୁତୟନ କରାଯାଇଛି ।
With increase in positive COVID cases in Ganjam, Odisha Police has enhanced its presence. Four young DySP and four more platoons of force have been deputed to Ganjam Dist .All have already reported for duty today.#OdishaFightsCorona
— DGP, Odisha (@DGPOdisha) July 4, 2020
ଆଜି ଦୁଇ ଜଣ ଆଇଏଏସ୍ ଅଧିକାରୀ ଏବଂ ୬ ଜଣ ଓଏଏସଙ୍କୁ ମଧ୍ୟ ଗଞ୍ଜାମ ଜିଲ୍ଲାରେ କରୋନା ମୁକାବିଲା ଦାୟିତ୍ୱ ଦେଇଥିଲେ ରାଜ୍ୟ ସରକାର । ଆଇଏଏସ୍ ଅଫିସର ପାରୁଲ ପଟ୍ଟଓ୍ୱାରୀଙ୍କୁ ଛତ୍ରପୁର ସବ ଡିଭିଜନର ସ୍ପେଶାଲ୍ ଏମଡିଏମ୍ ଓ ବିଶାଲ ସିଂହଙ୍କୁ ଭଞ୍ଜନଗର ସବ ଡିଭିଜନର ସ୍ପେଶାଲ୍ ଏଡିଏମ୍ ଭାବରେ ଦାୟିତ୍ୱ ଦିଆଯାଇଛି ।
ଗଞ୍ଜାମରେ କରୋନା ସ୍ଥିତି ଜଟିଳ ହେବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ଦୁଇ ହଜାର ପାର କରିଥିବା ବେଳେ ୨୦ ଜଣଙ୍କର ଜୀବନ ନେଲାଣି କରୋନା । ସ୍ଥାନୀୟ ସଂକ୍ରମଣ ବଢୁଥିବାରୁ ଏବେ ଗଞ୍ଜାମ ଚିନ୍ତା ବଢ଼ାଇଛି ।