ଚଣ୍ଡୀଗଡ: ସିଦ୍ଧୁ ମୁସେୱାଲ ହତ୍ୟାକାଣ୍ଡ ନେଇ ଆଜି ମୁହଁ ଖୋଲିଛନ୍ତି ଗୋଲ୍ଡି ବରାଡ । ଗ୍ୟାଙ୍କଷ୍ଟାର ଲରେନ୍ସ ବିଶ୍ନୋଇର ସାଥୀ ଗୋଲ୍ଡି ଖୋଲାଖୋଲି ଭାବେ କହିଛନ୍ତି ସିଦ୍ଧୁଙ୍କ ହତ୍ୟା ନେଇ ଆମ ମନରେ କୌଣସି ଅନୁଶୋଚନା ନାହିଁ । ସେ ଆମ ଭାଇ ଭଳି ସାଥୀ ବିକ୍କି ମିଡ୍ଡୁଖେଡାଙ୍କ ହତ୍ୟା ପଛର କାରଣ ଥିଲେ । ଏପରିକି ମାମଲାକୁ ଶାନ୍ତ କରିବା ପାଇଁ ଆମକୁ ସିଦ୍ଧୁ ୨ କୋଟି ଟଙ୍କା ଯାଚିଥିଲେ । ଭାଇର ପ୍ରତିଶୋଧ ନେବା ପାଇଁ ଆମେ ଏହାକୁ ଗ୍ରହଣ କରି ନ ଥିଲୁ । ହତ୍ୟା କରି ଆମେ ଆମ ପ୍ରତିଶୋଧ ପୂରଣ କରିପାରିଛୁ ବୋଲି ସେ କହିଛନ୍ତି । ଏକ ଟିଭି ଚ୍ୟାନେଲକୁ ମୁହଁ ଲୁଚାଇ ଭିଡିଓ ମେସେଜ ମାଧ୍ୟମରେ ଗୋଲ୍ଡି ଏହା ଜଣାଇଥିଲେ । ପୋଲିସ ମଧ୍ୟ ଏହା ତାଙ୍କ ସ୍ୱର ବୋଲି ସ୍ପଷ୍ଟ କରିଛି । ଦିଲ୍ଲୀ ଓ ପଞ୍ଜାବ ପୋଲିସ ସିଦ୍ଧୁ ହତ୍ୟାକାଣ୍ଡ ପଛରେ ଗୋଲ୍ଡିର ହାତ ଥିବା ସ୍ପଷ୍ଟ କରିଛନ୍ତି । ସିଦ୍ଧୁଙ୍କୁ ୯୫ ପ୍ରତିଶତ ପଞ୍ଜାବୀ ପସନ୍ଦ କରୁ ନ ଥିଲେ । ତାଙ୍କ ଭାଗ୍ୟ ଭଲ ମୃତ୍ୟୁ ପରେ ତାଙ୍କ ଇମେଜ ବଦଳି ଯାଇଛି । ଶେଷରେ ଗୋଲ୍ଡି କହିଥିଲେ ଆମେ ଖରାପ, ଭଲ ÷ହବାର ଆବଶ୍ୟକତା ନାହିଁ ।
Comments are closed.