ନୂଆଦିଲ୍ଲୀ: ଭାରତର ମୋଟ ଦ୍ରବ୍ୟ ଏବଂ ସେବା କର (ଜିଏସ୍ଟି) ସଂଗ୍ରହ ଏପ୍ରିଲ ମାସରେ ରେକର୍ଡ ସୃଷ୍ଟି କରିଛି । ଏପ୍ରିଲରେ ରେକର୍ଡ ସର୍ବାଧିକ ୨.୧୦ ଲକ୍ଷ କୋଟିରେ ପହଞ୍ଚିଛି ଯାହା ରାଜସ୍ବ ବର୍ଷ ତୁଳନାରେ ୧୨.୪ ପ୍ରତିଶତ ବୃଦ୍ଧି ପାଇଛି ବୋଲି ଅର୍ଥ ମନ୍ତ୍ରଣାଳୟ ବୁଧବାର ଦିନ ଏକ ବିବୃତ୍ତିରେ କହିଛି।
ଘରୋଇ କାରବାରରେ ୧୩.୪ ପ୍ରତିଶତ ଅଭିବୃଦ୍ଧି ଆମଦାନୀରେ ୮.୩ ପ୍ରତିଶତ ବୃଦ୍ଧି ଘଟିଛି ବୋଲି ମନ୍ତ୍ରଣାଳୟ କହିଛି। ରେକର୍ଡ ଜିଏସ୍ଟି ସଂଗ୍ରହ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମନ ଖୁସି ପ୍ରକାଶ କରିଛନ୍ତି । ହିସାବ ଦେବା ପରେ, ଏପ୍ରିଲ୍ ୨୦୨୪ ପାଇଁ ନେଟ୍ ଜିଏସ୍ଟି ରାଜସ୍ୱ ୧.୯୨ ଲକ୍ଷ କୋଟିରେ ପହଞ୍ଚିଛି, ଯାହା ଗତ ବର୍ଷ ସମାନ ସମୟ ତୁଳନାରେ ୧୭.୧% ଅଭିବୃଦ୍ଧି ପ୍ରତିଫଳିତ କରିଛି ବୋଲି ପ୍ରେସ ବିଜ୍ଞପ୍ତିରେ କୁହାଯାଇଛି।
