ଓଡ଼ିଶା ସମ୍ବାଦ ବ୍ୟୁରୋ: ଆଲୋଭେରା ଅନେକ ପୁଷ୍ଟିକର ତତ୍ତ୍ୱରେ ପରିପୂର୍ଣ୍ଣ। ଆଲୋଭେରା ବା ଘିକୁଆଁରୀ ଗୁଣ ବିଷୟରେ ଯଦି କହିବା ଏହାର ଅନକେ ଗୁଣ ଅଛି ଯାହା ରକ୍ତରେ ଶର୍କରା ହ୍ରାସ କରିଥାଏ। ଏହା ସହିତ ଏହି ରସ ଶରୀରର ରୋଗ ପ୍ରତିରୋଧକ ଶକ୍ତି ବଢାଇବାରେ ମଧ୍ୟ ସାହାଯ୍ୟ କରିଥାଏ। ଏହା ଅନେକ ପ୍ରକାରର ଚର୍ମ ସଂକ୍ରମଣକୁ ମଧ୍ୟ ଦୂରେଇ ରଖେ। କିନ୍ତୁ ପ୍ରତ୍ୟେକ ବ୍ୟକ୍ତିଙ୍କ ପାଇଁ ଘିକୁଆଁରୀ ରସ ଭଲ ନୁହେଁ। କେଉଁ ବ୍ୟକ୍ତିଙ୍କ ପାଇଁ ଘିକୁଆଁରୀ ରସ ପିଇବା କ୍ଷତିକାରକ ସେ ସମ୍ପର୍କରେ ଆଲୋଚନା କରିବା।
ଲୋ ବ୍ଲଡ ସୁଗାର…
ଯେଉଁମାନଙ୍କର ରକ୍ତରେ ସର୍କରା କମ୍ ଅଛି, ସେମାନେ ଆଲୋଭେରା ରସ ପିଇବା ଉଚିତ୍ ନୁହେଁ। ଆଲୋଭେରା ରସ ଶରୀରର ସର୍କରା ସ୍ତରକୁ ହ୍ରାସ କରିଥାଏ। ହାଇ ସୁଗାର ଲେବେଲ ବ୍ୟକ୍ତିମାନେ ଏହି ରସ ଖାଇପାରନ୍ତି, କିନ୍ତୁ ଯେଉଁମାନଙ୍କର ରକ୍ତରେ ଶର୍କରା ସ୍ୱାଭାବିକଠାରୁ କମ୍, ସେମାନେ ଏହି ରସ ନପିଇଲେ ଭଲ।
ଗର୍ଭବତୀ ମହିଳା…
ଯେଉଁ ମହିଳାମାନେ ଗର୍ଭବତୀ କିମ୍ବା ଶିଶୁକୁ ସ୍ତନ୍ୟପାନ କରାଉଛନ୍ତି, ସେମାନେ ଆଲୋଭେରା ରସ ପିଇବା ଠାରୁ ଦୂରେଇ ରହିବା ଉଚିତ୍। ଏହାର କାରଣ ହେଉଛି ଆଲୋଭେରାର ଇରିଣ୍ଟେଟ ଗୁଣ ଶରୀର ପାଇଁ କ୍ଷତିକାରକ ହୋଇପାରେ ଏବଂ ଜଣେ ଗର୍ଭବତୀ ମହିଳା ପ୍ରସବ ସମୟରେ ସମସ୍ୟାର ସମ୍ମୁଖୀନ ହୋଇପାରନ୍ତି।
ଅସୁସ୍ଥ ବ୍ୟକ୍ତି…
ଯଦି ଆପଣ ପୂର୍ବରୁ ଅସୁସ୍ଥ ଅଛନ୍ତି ତେବେ ଆପଣ ଆଲୋଭେରା ରସ ପିଇବା ଉଚିତ୍ ନୁହେଁ। ଆଲୋଭେରା ରସ ପୋଟାସିୟମର ସ୍ତରକୁ ହ୍ରାସ କରିଥାଏ ଯାହା ଦୁର୍ବଳତା ଏବଂ ମୁଣ୍ଡ ବୁଲାଇପାରେ। ଏପରି ପରିସ୍ଥିତିରେ ଜଣେ ଅସୁସ୍ଥ କିମ୍ବା ବୃଦ୍ଧ ବ୍ୟକ୍ତି ଆଲୋଭେରା ରସରୁ ଦୂରେଇ ରହିବା ଉଚିତ୍।
ପେଟ ଜନୀତ ସମସ୍ୟା ଥିଲେ…
ଯେଉଁ ବ୍ୟକ୍ତିଙ୍କର ପେଟରେ କିଛି ସମସ୍ୟା ରହିଛି ସେମାନେ ଆଲୋଭେରା ରସ ପିଇଲେ କ୍ଷତିକାରକ ହୋଇପାରେ। ଆଲୋଭେରା ରସର ଲକ୍ସାଟିଭ୍ ଗୁଣ ପେଟରେ ଯନ୍ତ୍ରଣା ଦେଇପାରେ, ଯାହା ପେଟରେ ପୂର୍ବରୁ ଅନୁଭବ କରୁଥିବା ସମସ୍ୟାକୁ ବଢାଥାଏ।
Comments are closed.