ଅତ୍ୟଧିକ ଗରମରୁ ଆଶ୍ୱସ୍ତି ଚାହାନ୍ତି କି, ତେବେ ନିୟମିତ ପିଅନ୍ତୁ ଏହି ପାନୀୟ

ନୂଆଦିଲ୍ଲୀ: ଅତ୍ୟଧିକ ଗରମରୁ ଆରାମ ଚାହୁଁଛନ୍ତି କି? ତେବେ ନିୟମିତ ପିଅନ୍ତୁ ଏହି ପାନୀୟ। ଗ୍ରୀଷ୍ମ ସମୟରେ ନିଜକୁ ହାଇଡ୍ରେଟ୍ ରଖିବା ପାଇଁ ସର୍ବୋତ୍ତମ ଉପାୟ ହେଉଛି ବାର୍ଲି ଅର୍ଥାତ୍‌ ଯଅ ପାଣି ପିଇବା, ଯାହାର ଅନେକ ଲାଭ ମଧ୍ୟ ଅଛି। ଭାରତୀୟ ଭାଷାରେ ବାର୍ଲି ସାଧାରଣତଃ ‘‘ ଯଅ ’ଭାବରେ ଜଣାଶୁଣା।

ଘରେ ବାର୍ଲି ପାଣି ସହଜରେ ତିଆରି କରାଯାଇପାରେ। ପ୍ରାୟ ୨ ଟେବୁଲ୍ ଚାମଚ ବାର୍ଲିକୁ ଭଲ ଭାବରେ ଧୋଇବା ପରେ ଏହାକୁ ରାତିସାରା ଭିଜେଇ ଛାଡି ଦିଅନ୍ତୁ। ଏହାକୁ ପ୍ରାୟ ଭିଜିବାକୁ ୬-୮ ଘଣ୍ଟା ପର୍ଯ୍ୟନ୍ତ ଛାଡି ଦିଅନ୍ତୁ। ପରଦିନ ସକାଳେ, ପାଣିକୁ ସମ୍ପୂର୍ଣ୍ଣରୂପେ ନିଗାଡି ଧୋଡି ଦିଅନ୍ତୁ।

ଏହାପରେ ଏକ ପ୍ୟାନରେ ୨ କପ୍ ପାଣି ମିଶାଇ ଫୁଟାଇ ଦିଅନ୍ତୁ। ଥରେ ପାଣି ଫୁଟିବା ଆରମ୍ଭ କଲେ, ସେଥିରେ ଭିଜିଥିବା ଯଅ ମିଶାନ୍ତୁ। ବାର୍ଲି ନରମ ହେବା ପର୍ଯ୍ୟନ୍ତ ଏହାକୁ ଫୁଟାନ୍ତୁ। ଏହାପରେ ଏହାକୁ ଥଣ୍ଡା ହେବାକୁ ଛାଡି ଦିଅନ୍ତୁ। ସେଥିରେ ସ୍ୱାଦ ଅନୁସାରେ ଲେମ୍ବୁ ରସ, ଚିନି, ଲୁଣ କିମ୍ବା ମହୁ ମିଶାଇ ଏହାକୁ ପାନ କଲେ ଗ୍ରୀଷ୍ମ ଦିନେ ଏହା ଶରୀର ପାଇଁ ବେଶ୍‌ ଲାଭଦାୟକ ହୋଇଥାଏ।

ବାର୍ଲି ବା ଯଅ ଜଳର ଅନେକ ଲାଭ ଅଛି। ଏହା କୋଲେଷ୍ଟ୍ରଲ କମ କରିଥାଏ ଏବଂ ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ। ଏହା ହଜମ ପାଇଁ ବହୁତ ଭଲ, ଏବଂ ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଏହି ଥଣ୍ଡା ପାନୀୟ ଆପଣଙ୍କ ମୁହଁରେ ବ୍ରଣ ସହିତ ଲଢିବା ଏବଂ ସ୍ୱଚ୍ଛ ଚର୍ମ ପାଇବାରେ ସାହାଯ୍ୟ କରିଥାଏ।