ନୂଆଦିଲ୍ଲୀ : ଜାତି ବାହାରେ ପ୍ରେମ ବିବାହ କରି ପ୍ରତିବର୍ଷ ସଂଖ୍ୟାଧିକ ମୃତ୍ୟୁବରଣ କରୁଛନ୍ତି । ପ୍ରଧାନବିଚାରପତି ଡି.ଓ୍ୱାଇ ଚନ୍ଦ୍ରଚୂଡ ଏପରି ବୟାନ ଦେଇଛନ୍ତି । ୧୯୯୧ରେ ଉତ୍ତରପ୍ରଦେଶରେ ଅନରକିଲିଂ ଘଟଣାକୁ କେନ୍ଦ୍ର କରି ଆମେରିକାର ଏକ ମାଗାଜିନରେ ଏହା ଉଲ୍ଲେଖ କରାଯାଇଥିଲା ବୋଲି କହିଛନ୍ତି ସିଜେଇ ।
ମାଗାଜିନର ଆର୍ଟିକଲରେ ୟୁପିର ଏକ ୧୫ ବର୍ଷୀୟା ନାବାଳିକାର କରୁଣ ପ୍ରେମ କାହାଣୀ ଛପାଯାଇଥିଲା । ନିଜଠୁ ତଳ ଜାତିର ଏକ ଯୁବକକୁ ସେ ପ୍ରେମ ବିବାହ କରିଥିଲା । ଫଳରେ ଗାଁର ଅନ୍ୟ ଉଚ୍ଚ ଜାତି ଲୋକେ ତାକୁ ହତ୍ୟା କରିଥିଲେ । ସାମାଜିକ ରୀତିନୀତି ବିରୁଦ୍ଧ କରିବାରୁ ସେ ବଳି ପଡିଥିଲା । ଅଶୋକ ଦେଶାଇ ମେମୋରିଆଲ ଲେକ୍ଚର ‘ଲ ଆଣ୍ଡ୍ ମୋରାଲିଟି: ଦ ବାଉଣ୍ଡସ୍ ଆଣ୍ଡ୍ ରିଚେସ୍’ ଶୀର୍ଷକରେ ଭାଷଣ ଦେବାବେଳେ ସିଜେଆଇ ଏସମ୍ପର୍କରେ କହିଥିଲେ । ଆଇନ, ନୈତିକତା ଓ ସମୂହ ଅଧିକାର ମଧ୍ୟରେ କି ସମ୍ପର୍କ ରହିଛି, ସେନେଇ ଆଲୋକପାତ କରିଥିଲେ ସିଜେଆଇ ।
ସେ କହିଥିଲେ, ଆଇନ୍ ବାହ୍ୟ ସମ୍ପର୍କକୁ ନିୟନ୍ତ୍ରିତ କରେ, ନୈତିକତା ଆଭ୍ୟନ୍ତରୀଣ ଜୀବନକୁ ପରିଚାଳିତ କରେ ଓ ପ୍ରରୋଚିତ କରେ । ନୈତିକତା ଆମ ଚେତନାକୁ ଜାଗ୍ରତ କରି କିପରି ବ୍ୟବାହର ଦେଖାଇବା ସେଥିପାଇଁ ପ୍ରଭାବିତ କରେ ବୋଲି କହିଛନ୍ତି ସିଜେଆଇ ।
ସମାଜରେ ଯେଉଁମାନେ କ୍ଷମତାସିକ୍ତ ସେମାନେ ଦୁର୍ବଳଙ୍କ ଉପରେ ନୈତିକତା ଲଦିଦିଅନ୍ତି । ଫଳରେ ସେମାନେ ସମାଜର ତଳ ସ୍ତରକୁ ଠେଲି ହୋଇଯାଆନ୍ତି ବୋଲି ସେ ମତ ଦେଇଛନ୍ତି ।
Comments are closed.