ଏକ ସୁସ୍ଥ ଜୀବନ ପାଇଁ ସୁସ୍ଥ ଶରୀର ରହିବା ଅତ୍ୟନ୍ତ ଜରୁରୀ। ରୋଗ ପ୍ରତିରୋଧକ ଶକ୍ତି ଯଦି ଭଲ ଥାଏ ତେବେ ଏକ ସୁସ୍ଥ ଶରୀର ଗଠନ ହୁଏ। ଶରୀରର ବିକାଶ ପାଇଁ ହାଡ଼ର ବିକାଶ ହେବା ଜରୁରୀ। ଆଉ ଏହି ହାଡ଼କୁ ମଜବୁତ ଏବଂ ଶକ୍ତିଶାଳୀ ରଖିବା ଆପଣଙ୍କର ଦାୟିତ୍ୱ। ବିଶେଷଜ୍ଞଙ୍କ ଅନୁଯାୟୀ ହାଡ଼ ସବୁବେଳେ ବଦଳିଥାଏ। ଯଦି ପୁରୁଣା ହାଡ ଭାଙ୍ଗିଯାଏ ତେବେ ନୂତନ ହାଡ଼ ପୁଣି ଗଠନ ହୁଏ। ଏହି କାରଣରୁ ଆମର ଓଜନ ବଢେ କିମ୍ବା ହ୍ରାସ ହୁଏ। ୩୦ ବର୍ଷ ବୟସରେ ପୁରୁଣା ହାଡ ଭାଙ୍ଗିଯାଏ ଏବଂ ନୂତନ ହାଡ଼ ଗଠନ ହେବାକୁ ଲାଗେ। ଯଦି ଆପଣଙ୍କର ହାଡ଼ ଦୁର୍ବଳ, ତେବେ ଖାଦ୍ୟରେ ଏପରି ଜିନିଷ ଅନ୍ତର୍ଭୁକ୍ତ କରନ୍ତୁ ଯାହା ହାଡ଼କୁ ମଜବୁତ କରିବ। ସେହିପରି ଏପରି ଖାଦ୍ୟ ଖାଆନ୍ତୁ ନାହିଁ ଯାହା ଆପଣଙ୍କ ହାଡ଼କୁ ଦୁର୍ବଳ କରିବ।
ଆମ ଶରୀରରୁ ପ୍ରାୟ ୧୨୦୦ ଗ୍ରାମ କ୍ୟାଲସିୟମ ମିଳିଥାଏ। ସେଥିମଧ୍ୟରୁ ୯୯ ପ୍ରତିଶତ ହାଡ଼ ତିଆରି କରିବାରେ ବ୍ୟବହାର କରେ। ଅବଶିଷ୍ଟ ଏକ ପ୍ରତିଶତ ଆମ ଦାନ୍ତ, ମାଂସପେଶୀ, ହୃଦୟ ଏବଂ ସ୍ନାୟୁକୁ ବଜାୟ ରଖିବା ପାଇଁ ଏହି କ୍ୟାଲସିୟମ ବ୍ୟବହୃତ ହୁଏ। ଏହା ରକ୍ତ ଜମାଟ ବାନ୍ଧିବାରେ ସାହାଯ୍ୟ କରେ। ତେଣୁ ହାଡକୁ ଶକ୍ତିଶାଳୀ କରିବା ପାଇଁ କ୍ୟାଲସିୟମ ଗ୍ରହଣ ଅତ୍ୟନ୍ତ ଉପଯୋଗୀ ବୋଲି କୁହାଯାଇଛି। କ୍ୟାଲସିୟମର ଅଭାବକୁ ପୂରଣ କରିବା ପାଇଁ ଆମେ କ୍ଷୀର ଏବଂ ଦୁଗ୍ଧ ଜାତୀୟ ପଦାର୍ଥ ଖାଇଥାଉ। କିନ୍ତୁ ଆପଣ ଜାଣନ୍ତି କି ଏପରି କିଛି ଖାଦ୍ୟ ଅଛି ଯାହା କ୍ୟାଲସିୟମର ଶୋଷଣକୁ ରୋକିଥାଏ ଏବଂ ହାଡ଼କୁ କ୍ଷତି ପହଞ୍ଚାଏ। ତେବେ ଆସନ୍ତୁ ଜାଣିବା କେଉଁ ଖାଦ୍ୟ ହାଡକୁ ନଷ୍ଟ କରେ।
ମୃଦୁ ପାନୀୟ ଜଳ ଖାଇବା ଦ୍ୱାରା ହାଡ଼ ନଷ୍ଟ ହୋଇପାରେ। ମୃଦୁ ପାନୀୟ ଜଳ ଯେପରିକି କୁଲଡ୍ରିଙ୍କସ୍, ସରବତରେ ଚିନି, କ୍ୟାଫିନ୍ ଏବଂ ଫସଫୋରିକ୍ ଏସିଡ୍ ଥାଏ ଯାହା ହାଡରେ ଥିବା କ୍ୟାଲସିୟମକୁ ନଷ୍ଟ କରିପାରେ। ବିଶେଷଜ୍ଞଙ୍କ ଅନୁଯାୟୀ ପଶୁମାନଙ୍କଠାରୁ ମିଳୁଥିବା ପ୍ରୋଟିନ୍ ଖାଇବା ଦ୍ୱାରା ହାଡ ନଷ୍ଟ ହୋଇପାରେ। ଏନିମଲ ପ୍ରୋଟିନର ଅତ୍ୟଧିକ ସେବନ କଲେ ହାଡ ଦୁର୍ବଳ ହୋଇଯାଏ।
କ୍ୟାଫିନ୍ ପଦାର୍ଥର ଅତ୍ୟଧିକ ବ୍ୟବହାର ହାଡକୁ କ୍ଷତି ପହଞ୍ଚାଇପାରେ। ଚା, କଫି, କୋକୋ ଏବଂ ଚକୋଲେଟ୍ ଅଧିକ ମାତ୍ରାରେ ଖାଇଲେ କ୍ୟାଲସିୟମ୍ ନିର୍ଗମନ ବଢିପାରେ। ଯଦି ଆପଣ ହାଡକୁ ଶକ୍ତିଶାଳୀ କରିବାକୁ ଚାହୁଁଛନ୍ତି ତେବେ ଏହି ଜିନିଷଗୁଡିକରୁ ଦୂରେଇ ରୁହନ୍ତୁ। ଅତ୍ୟଧିକ ଲୁଣ ଏବଂ ଚିନି ଖାଇବା ଦ୍ୱାରା ହାଡ ଦୁର୍ବଳ ହୋଇଯାଏ, ତେଣୁ ଏହି ଖାଦ୍ୟରୁ ଦୂରେଇ ରୁହନ୍ତୁ। ସେହିପରି ତମାଖୁ ବ୍ୟବହାର ଆପଣଙ୍କ ହାଡକୁ ଦୁର୍ବଳ କରିପାରେ। ତେଣୁ ଏହି ସବୁ ନିଶା ଏବଂ ଖାଦ୍ୟଠାରୁ ଦୂରେଇ ରହିବା ସ୍ୱାସ୍ଥ୍ୟ ପାଇଁ ଲାଭଦାୟକ।