ଟଙ୍କା ଗଣି ଗଣି ରାତି ପାହି ଯାଉଛି କିନ୍ତୁ ସରୁନି: ଆଜି ତୃତୀୟ ଦିନରେ ବି ଚାଲିଛି ଡିଏନ ଗ୍ରୁପରେ ଆୟକର ଚଢଉ

 ଡିଏନ ଗ୍ରୁପର  ଅଧିକାରୀଙ୍କୁ ହେପାଜତକୁ ନେଇ ଆୟକର ବିଭାଗ ପଚରାଉଚରା ଜାରି ରଖିଛି । ସେହିପରି ତ୍ରିଶୁଳିଆ ଡିଏନ୍ ଗ୍ରୁପର ଟୁଇନସିଟି ପ୍ରୋଜେକ୍ଟର ଏକ ଫ୍ଲାଟରୁ ମଧ୍ୟ ବିପୁଳ ଟଙ୍କା ମିଳିଛି । ଗତ ଦୁଇ ଦିନ ଭିତରେ ଜବତ କରାଯାଇଥିବା କୋଟି କୋଟି ଟଙ୍କାକୁ ୟୁନିଟ-୧ ସ୍ଥିତ ଏସବିଆଇ ଶାଖାକୁ ନିଆଯାଇଥିଲା  ।  ସେଠାରେ  ଆୟକର ଅଧିକାରୀ ଓ ଡିଏନ ଗ୍ରୁପ୍ ଅଧିକାରୀଙ୍କ ଉପସ୍ଥିତିରେ ଗଣତି କରାଯାଇଛି । କାଲି ବିଳମ୍ବିତ ରାତି ପର୍ଯ୍ୟନ୍ତ ଏହି ଗଣତି ଓ ହିସାବ ଚାଲିଥିବା ସୂଚନା ମିଳିଛି ।

ସୂଚନାଥାଉ କି, ଆୟକର ବିଭାଗର ୭ ଜଣିଆ  ଟିମ ବୁଧବାର  ଚଢାଉ କରି ପୋଷ୍ଟାଲ  କଲୋନୀରୁ ୩୦ କୋଟି ଟଙ୍କା ଜବତ କରିଥିଲା । ୩ଟି ଟ୍ରଙ୍କ ଓ ଗୋଟିଏ ଆଟାଚିରୁ କେବଳ ୫୦୦ ଟଙ୍କିଆ ନୋଟ ମିଳିଥିଲା । ସେହିପରି ଡିଏନଗ୍ରୁପର ନିର୍ଦ୍ଦେଶକ ଚନ୍ଦ୍ରଶେଖର ପଣ୍ଡାଙ୍କୁ ତାଙ୍କ କ୍ୱାର୍ଟର୍ସରୁ ବିଭାଗ କାର୍ଯ୍ୟାଳୟକୁ ନିଆ ଯାଇଥିଲା । ସେଠାରେ ଏହି ଟଙ୍କା ବିଷୟରେ ଜେରା କରିଥିଲେ ବିଭାଗୀୟ ଅଧିକାରୀ ।

ଆଇଟି ଅଧିକାରୀ ଡିଏନ ଗ୍ରୁପର ଅତିରିକ୍ତ ନିର୍ଦ୍ଦେଶକ ଗୁରୁପ୍ରୀତ ସିଂହଙ୍କୁ ପଚରା ଉଚରା କରୁଛନ୍ତି ।